掃呢頁CODE去手機

2017年8月4日 星期五

【轉會大台唔見影】張文慈8千蚊底薪加盟 密密拍五劇未播得 __,大台,張文慈,TVB,

自從亞視上年熄機,好多藝員各散東西,大台成為呢班藝員嘅落腳點,包括咗亞姐張文慈。張文慈喺上年9月加盟無綫,當時奇妙電視前景未明朗,鍾意演戲嘅張,唯有以 ...


自從亞視上年熄機,好多藝員各散東西,大台成為呢班藝員嘅落腳點,包括咗亞姐張文慈。張文慈喺上年9月加盟無綫,當時奇妙電視前景未明朗,鍾意演戲嘅張,唯有以底薪8,000元、騷價1,000元成為無綫人,仲拎過TVbuddy合照,認真識做。示好就梗係有回報啦,雖然加盟接近一年,好似唔多見張文慈演出?等多陣啦,因為呢一年間佢真係密密開工,拍咗5套劇喇。喺大台嘅處女作係《老表》系列,新一輯拍住蔡少芬同王祖藍演出。至於重頭新劇《宮心計2.深宮計》都有張文慈份,同劇仲有亞視朋友羅霖,兩個人加埋張慧儀、謝雪心、康華加埋做深宮妃嬪,5個女人加埋超過200歲,演技夠晒深厚。如果想睇多啲亞視舊臉孔,就要等《天命》,呢套劇有陳展鵬同埋「六合彩之子」蔡國威。至於仲拍緊嘅劇就有《誇世代》同《跳耀生命線》,嚟緊可能幾個時段都見到佢喇。

拎住TVbuddy影相,乖女 《我和殭屍有個約會II》劇照
《我和殭屍有個約會II》劇照 《我和殭屍有個約會II》劇照
《情陷夜中環》劇照

來源 source: http://s.nextmedia.com
鍾意就快D Share啦!