小儀表示早前甲狀腺發現有兩個大結節，要做手術切除。
電台主持人小儀在個人網誌透露剛做完切除甲狀腺結節手術，休息兩星期的她今早繼續為節目開咪。她於節目後接受訪問，透露於2015年已發現甲狀腺兩邊有結節，當時化驗結果是良性，故沒有特別理會，她說：「當時有好多工作，仲有套劇做女主角，所以知道係良性就冇理，加上一直有睇中醫同針灸，佢（結節）又真係細咗。」
甲狀腺結節直徑逾4cm
小儀表示直至去年底及今年初發現甲狀腺兩邊開始腫脹及右手不時麻痺，她說：「喺朋友介紹下認識專科醫生，初時想聽吓醫生嘅意見，點知一睇醫生就話要做手術。右邊結節有成4點幾cm大，左邊都有粒差唔多大，依家一次過割晒。」喉嚨位貼上疤痕貼的小儀憶述做手術經過，她說：「知道要做手術真係好淆底，始終有風險，會影響聲帶。人生第二次做手術，入手術房時見到麻醉師同醫生企喺兩邊，我用力吸咗兩啖氣就瞓咗。」
一世食補充甲狀腺素藥
小儀隨即大笑說：「依家冇晒甲狀腺，即係冇咗個器官，同埋一世要食補充甲狀腺素藥。每個月都要去睇醫生Check甲狀腺素，同埋要調較劑量。」小儀承認為免令人擔心及自己有足夠時間休息，故做手術前未有提及此事，她說：「得森美知道，不過做完手術都唔怕講，因為都要同啲客戶交代。今次發現原來保險好重要，總之早日醫治就最好喇。」
手術順利
問到手術做了多少時間？小儀說：「朝早9點做，我下午2點幾先至醒已經喺房，不過應該做咗2、3個鐘。」小儀表示手術順利，她說：「醫生話日後個傷口會畀頸紋遮住。依家自己都戒晒口，希望好番後有美容院贊助去疤嘅方法。」
來源 source: http://hk.on.cc
|
鍾意就快D Share啦！
|
|
|
