雷莊𠒇話鍾意成熟啲嘅男仔。
2017港姐從台北完成外景拍攝返港，今屆港姐熱門之一、23歲的雷莊𠒇，被指有一位「富爸爸」擁億元物業的設計師雷葆文，亦有一位「熟男」男友Brandon，雙方年齡差一大截，被指是「忘年戀」，對此雷莊𠒇表示：「佢（指Brandon）係我前男友，唔係依家。」談到現在有沒有男友？雷莊𠒇有點扭擰不願正面回應，但當問到參選男友有否支持？她則指對方支持，間接承認有男友。而問到前男友知否她參選？她謂：「佢知我嚟參選，大家係好朋友。（本身係咪喜歡成熟啲、大一截嘅男友？）好多女仔都喜歡男友大一啲，成熟啲嘛！大幾多都係數字嚟啫，主要睇大家相處有冇化學作用。」
至於富爸爸雷葆文有否用財力支持她參選，畀錢她買靚衫同做美容，增加實力？她表示：「之前我喺加拿大都冇做過Facial，參選咗先做，爸爸支持我，亦係我嘅提名人，其實我冇諗咁多，只係喜歡演戲同跳舞，都想透過參加港姐入行。」
講到台灣外景淘汰了劉穎敏，雷莊𠒇大表不捨：「佢係我第二次面試識嘅第一個朋友，真係好唔捨得。」對於稍後時間可能再有佳麗被Foul，身為大熱的雷莊𠒇則甚有自信表示：「我不嬲都唔係咁擔心呢個問題。」
來源 source: http://hk.on.cc
|
鍾意就快D Share啦！
|
|
|
