長腿冇得輸！
無綫「打機女神」張曦雯（Kelly）到毛里裘斯拍攝的J2節目《3日2夜》昨晚播出第二集，Kelly繼續玩水上運動，兼不經意晒索爆Body，她將一段玩浮潛的片段放上網跟Fans分享，水底美景加上索腿Kelly，成段片夠晒賞心悅目！Kelly接受東網訪問時說：「呢條片係當地一個男船家帶住我玩，順便幫我拍低，當時已經拍完節目嘅嘢，導演好好，畀額外時間成個鐘我自己去玩，點知拍出嚟啲片又好靚喎！所以就用埋嚟播，其實嗰日之前去咗同海豚游水，已經好攰，但因為水底太靚，浮潛嗰陣完全冇晒攰嘅感覺，珊瑚好多顏色，又有好多魚，好Amazing！」
Kelly透露有刮傷腳，但已不是第一次發生，覺得很小事，講到沒有穿潛水衣，她說：「因為係浮潛，我救生衣都冇穿，我本身識游水，想試吓喺海游，以前唔多接觸大自然，因為上年去馬爾代夫拍攝，開始了解大自然多啲，今次係我第一次唔穿救生衣喺海度游，我啱啱考咗深潛牌，希望考埋Free Diving，唔戴氧氣樽潛入十幾米，要閉氣3至4分鐘，呢個係我目標，希望拍更多水底靚嘢畀大家睇。（你好大膽！）試得愈多愈唔怕，都係因為拍節目唔識驚！哈哈！」而第三集Kelly更會帶大家玩深潛，繼續海洋之旅！
來源 source: http://hk.on.cc
|
鍾意就快D Share啦！
|
|
|
