熱爆娛樂: 【符合國情】MC Jin堅被out 評審吳亦凡宣佈結果講到眼濕濕 _

2017年8月13日星期日

【符合國情】MC Jin堅被out 評審吳亦凡宣佈結果講到眼濕濕 __,吳亦凡,MC Jin,

《中國有嘻哈》唔經唔覺已經播到第8期，當中最有睇頭就梗係吳亦凡嘅「金句」同埋係人都知佢係MC Jin(歐陽靖)嘅Hip-Hop Man。講到實力，MC Jin喺節目中被認為係超班，不過前幾集就被彈英文太多，唔夠「中國有嘻哈」咁話（相關新聞：http://bit.ly/2v5NK5Y），之但係呢個其實只係節目組安排嘅gimmick。而喺噚日嗰集，已經公開咗真正身份嘅MC Jin真係被FOUL，噚日講佢喺節目中，同幾位大陸Rapper合唱咗《畢業》，而MC Jin亦都用佢嘅港式國語Rapper，喺最後4揀3入圍中，MC Jin最後被foul出局，而宣佈結果嘅吳亦凡，亦好唔捨得咁同佢講咗幾次「對不起」，講嗰陣仲眼濕濕，之後講到感言，MC Jin亦都有喊喊豬，而佢哋各自都有喺微博講感想。不過點都好，其實MC Jin被out都非常之咁「符合國情」，始終美國出身嘅MC Jin喺內地名氣唔算大，而且佢嘅國語太過港式，的而且確好唔符合「中國」呢兩個字。再者，MC Jin喺Hip Hop界嘅「江湖地位」，比所有參賽者都高得多，而喺內地芸芸節目中，其實有唔少人都會畀「後浪」上位，咁MC Jin呢位「前浪」真係難免要「犧牲」下。

	MC Jin喺噚日嗰集《中國有嘻哈》被out。(網上截圖)	評審吳亦凡好似好難過咁。(網上截圖)
(網上截圖)	MC Jin都覺得自己要離開。(網上截圖)	(網上截圖)
佢仲叫其他參賽者笑下。(網上截圖)	(網上截圖)	不過講到感言，佢都忍唔住......(網上截圖)