係真唔係呀？
息影女星王祖賢移居加拿大多年，近年鮮有現身香港，不過佢平時都會網上甫相晒靚樣，所以都仲Keep住大班粉絲，人氣依舊。近日大陸傳媒傳出50歲嘅王祖賢將會喺2018年全面復出，仲會又拍戲又接劇，簡直就係女神歸位！
近年多位女神級美魔女都紛紛復出，就好似2015年時林青霞就參與內地真人騷節目《偶像來了》錄影，又玩遊戲又行Catwalk，帶挈收視節節上升。而今年又有關之琳以豪宅價復出接拍大陸真人騷《我們來了2》，仲跳埋落池塘摸魚，親民程度勁高。今次王祖賢雙線復出傳聞雖然未經當事人證實，不過已經造成網絡哄動，唔少網友都表示支持！
當年王祖賢憑電影《倩女幽魂》中演聶小倩一角，紅遍東南亞，又曾遠赴日本發行日語專輯，成為當年圈中數一數二嘅人氣「女神」。依家嘅王祖賢狀況大勇，仙氣湧出嚟，加上一對長腿，相信復出都會掀起電影、電視劇嘅搶人潮。
來源 source: http://hk.on.cc
|
鍾意就快D Share啦！
|
|
|
