2017年9月27日 星期三

【免找6毫子都出事】的士司機貼圖放上網 麥明詩介意住址被公開 __,麥明詩,

麥明詩今日去鑽石山為閱讀頒獎禮任頒獎嘉賓,負責頒獎俾潘迪華、東方昇、伍家謙同李家鼎等,台上麥明詩話自己曾經有諗過出書,不過暫時冇靈感,都冇咩料,寫書係 ...


麥明詩今日去鑽石山為閱讀頒獎禮任頒獎嘉賓,負責頒獎俾潘迪華、東方昇、伍家謙同李家鼎等,台上麥明詩話自己曾經有諗過出書,不過暫時冇靈感,都冇咩料 ,寫書係好大工程需要好大毅力,以前中文作文要寫千幾二千次都覺得好辛苦,所以o依家都係得閒喺facebook寫下先,或者考慮到時將呢啲文章集結成書。

問到如果寫書想寫咩題材?佢話:「會寫娛樂圈題材,好多人對娛樂圈都有好多錯誤嘅觀感,或者覺得娛樂圈好黑暗,但真實嘅行業入面有好多好用心工作嘅人,佢哋好辛苦。」麥明詩又話希望有朝一日可以寫劇本,佢話:「題材都會係講愛情為主,應該會加入自己真實生活嘅經歷。

麥明詩日前搭的士時,畀的士司機喺facebook出post,話麥明詩喺找錢時冇收毫子,佢話:「有啲無奈,我覺得香港人特別鍾意對立,其實成個搭車過程我哋都冇爭拗。」麥明詩話平時都習慣咗找錢淨係要整數:「當時係找55.6,我話毫子唔使啦, 可能對方想保障自己於是就出post先。」佢仲話唔介意對方咁樣做,只係介意對方公開住址:「希望下次唔使咁詳細講我個地址出嚟,如果可以早日推行電子收費,就唔使有呢啲爭拗。

李家鼎第一次出個人食譜獲頒《最佳飲食旅遊書》,話近來都係忙緊打理私房菜館,佢話:「一早要返鋪頭驗來貨,收舖後又要開會,每日得3、4個鐘瞓。」另外,現年87歲嘅潘迪華獲頒《最佳文史哲書》,台上講到發現時下現香港人生活得唔開心,寄語年輕人多睇書,做好本份多啲笑容。



麥明詩日前搭的士時,冇收毫子,畀的士司機喺FB出post。(攝影:陳俊強) 李家鼎第一次出個人食譜獲頒《最佳飲食旅遊書》。
閱讀頒獎禮上,東方昇都獲獎。 同場仲有粗口Ben Sir。

鍾意就快D Share啦!