40歲的無綫小生陳展鵬與27歲的落選港姐單文柔（Phoebe）自今年三月爆出戀情後，二人雖然未有親口承認戀情，但每當展鵬被追問拍拖一事時，他亦對女友處處維護，默認親密關係，身為背後女友的Phoebe更不時與男友隔空打情罵俏，又直言不介意名分，她日前亦上載一張於外地晒線騷胸開餐相，與展鵬跟林敏驄於東莞打高爾夫球的合照背景十分相似，看來Phoebe已融入男友的朋友圈，做其跟得女友陪展鵬往打波！
護花手指指
其實Phoebe除了融入男友朋友圈，原來亦已融入家中，相戀短短半年的二人愛得甜蜜，關係極速升溫，雙雙於男方位於將軍澳的寓所同居。昨日下午約二時，展鵬便驅車接載女友，拍拖返回將軍澳寓所，當座駕駛入停車場時，兩人甫見記者在場一臉愕然，坐於車內的Phoebe亦不懂反應，只望向男友傻笑，戴上口罩及鴨舌帽的展鵬亦隨即下車，護花心切的他更手指指，友善地向記者表示：「我哋泊完車轉頭出去傾啦。」
單文柔冧爆陪笑
未幾陳展鵬與Phoebe離開停車場，雖然同居斷正，但被撞破好事的兩人表現大方，沿途步上樓時更企定定接受訪問，問到展鵬與女友同居一事，還做柴可夫管接管送接載她回家。有愛情滋潤的他心情甚靚，更笑笑口打趣指住Phoebe說：「呢度唔係佢屋企喎！（呢度你屋企嘛？）其實之前都講過啦，嚟緊好多Annual Dinner要出席，咁又要揀衫，咁又冇啲適合嘅地方可以去。」此時坐穩女友之位的Phoebe，亦在旁邊點頭邊冧笑說：「係呀，係呀。」當再追問他女友是否上其寓所揀衫？展鵬解釋說：「唔係，上Club House嗰度，因為聽日（即今日）有個講座，嚟緊《同盟》又慶功，咁都需要揀衫，所以上去Club House囉，大家都可以上去㗎。」說罷便與女友肩並肩，雙雙步行入大廈內，風騷的展鵬期間遇上管理員時，更與對方揮手打招呼。
|
鍾意就快D Share啦！
|
|
|
