熱爆娛樂: 【郵輪登台】「鷲哥」遇上「易先生」歐瑞偉仔女好省鏡 _

2017年9月19日星期二

【郵輪登台】「鷲哥」遇上「易先生」歐瑞偉仔女好省鏡 __,歐瑞偉,梁朝偉,偉仔,

近排憑《同盟》一劇走紅嘅歐瑞偉，日前同「鷲哥」吳岱融上咗郵輪登台唱歌，原來佢哋兩個合作拍劇多年，份屬好兄弟，但登台做騷今次都係第一次，當「鷲哥」遇上「易先生」，台下觀眾反應當然好熱烈，其中吳岱融同歐瑞偉合唱咗鄭少秋嘅《倚天屠龍記》，易先生原來唱功都唔錯。

佢哋兩兄弟今次上郵輪做騷，兩邊屋企人都有出嚟撐場，吳岱融同鍾淑慧個仔雖然喺新加坡當兵嚟唔到，但鍾淑慧媽咪、細妹、妹夫等等都有上埋遊郵輪玩，至於歐瑞偉太太同一對仔女亦有陪爹哋上船。首次見歐瑞偉對仔女，原來都係靚仔靚女，遺傳咗父母嘅靚靚基因。

吳岱融今日接受傳媒訪問時話：「我同瑞偉真係好多年朋友，當年大家都係古裝人，拍過好多劇，今次第一次一齊登台唱歌，真係好開心好好玩。」鍾淑慧今日接受《蘋果》訪問時就話：「之前郵輪搵岱融做，叫佢搵個拍檔做嘉賓，所以搵咗瑞偉，點知咁啱呢期瑞偉個易先生又咁紅，『鷲哥』遇上『易先生』，現場觀眾反應好到不得了，佢哋兩個諗緊組成一個組合唱歌㖭。」

	吳岱融同歐瑞偉私下好鬼老友。	但係一齊登台做騷今次都係第一次。
吳岱融同歐瑞偉合唱咗鄭少秋嘅《倚天屠龍記》，易先生原來唱功都唔錯。	佢哋兩兄弟今次上郵輪做騷，兩邊屋企人都有出嚟撐場。	首次見歐瑞偉對仔女，原來都係靚仔靚女，遺傳咗父母嘅靚靚基因。
「易先生」同「鷲哥」合體，現場觀眾反應好到不得了。