艷福無邊！
擁有36D勁爆身材的模特兒姚紫茵（Bonnie）客串演出ViuTV劇集《賤民20》，扮演護士大玩制服誘惑，戲中講到主角王宗堯鯁魚骨而入急症室，等待過程痛苦並分心進入幻想世界，幻想Bonnie身穿護士服向他提供「特別服務」，Bonnie說：「劇情其實係反映社會現象，我以前都有去過急症室求診，等咗四個鐘！我初初收到劇本都有少少唔明白所以有啲擔心，但導演解釋清楚，拍攝時候王宗堯都有指導我。（尷尬？）今次對我嚟講都算係突破，第一次拍電視劇就有咁激嘅場面，聽到制服誘惑感覺好以有啲意淫怕畀人講，但播出後睇番，加埋劇情我又覺得OK，但覺得演得仲未夠放，有今次經驗，下次會容易掌握啲，演得好啲！」
Bonnie直言近月積極打拳瘦身，以及重點瘦腿狂練深蹲，導致拍攝當日跪在王宗堯身上時雙腿冇力又腳震，十分尷尬！她說：「因為張病床好細，我騎喺佢身上時係啱啱好，已經冇多餘位置，再郁就會跌落床！我不停腳震，佢笑我仲震過按摩椅，拍完腳都軟埋，要人扶落床，當晚仲要穿高跟鞋出席開幕活動，行每一步都腳震又痠痛！」
來源 source: http://hk.on.cc
|
鍾意就快D Share啦！
|
|
|