fb Live《She Bangs》粉絲Encore
孔慶翔再失婚 第三春叫糊
【美國《蘋果日報》專訪】美籍港人孔慶翔（William Hung）04年在美國《一夜成名》憑騎呢歌藝和舞步爆紅，昨日接受《蘋果》駐洛杉磯記者和美國《蘋果日報》facebook專頁訪問時，應粉絲要求再唱《She Bangs》。而14年與護士女友結婚的他，不但自爆去年已經離婚，更自揭是第二段失敗婚姻，他樂觀地笑說：「第三次應該最掂！」
孔慶翔於香港時間昨日在洛杉磯接受本報訪問時，不忘扭腰獻唱飲歌《She Bangs》。DV圖片
現年34歲的孔慶翔，04年在美國電視節目《一夜成名》（American Idol）中獻唱Ricky Martin名曲《She Bangs》，雖然五音不全和騎呢舞步令人慘不忍睹，但就憑他一句「I already gave my best, I have no regrets at all.（我已盡我所能，我無愧於心。）」贏盡人心，一夜成名。
久沒露面的William，於香港時間昨日在洛杉磯接受美國《蘋果》駐洛杉磯記者張紫茵專訪和facebook直播訪問時，再次扭腰演繹《She Bangs》，更應粉絲要求唱了兩次，之後大談近況。他現時在洛杉磯縣衞生部門工作，原來今年開始了新事業，擔任演講師以自身經驗鼓勵幫人「找尋內心勇氣」及「從卑微走到顯赫」，並偶爾出騷唱歌。
13年前孔慶翔在《一夜成名》唱《She Bangs》，憑五音不全加騎呢舞出位。資料圖片
孔慶翔2014年再婚，老婆為護士，但去年離婚收場。資料圖片
孔慶翔今年開始兼職做演講師，借自己經歷鼓勵他人。互聯網圖片
唔知點解成功
不過，William感情生活卻未及事業如意，三年前跟護士Jian Teng在加州結婚的他，原來去年已經離婚，而且更是第二次婚姻失敗，他說：「上年啱啱離咗婚，維持咗兩年半，我哋喺自願下分手，畀大家去搵適合嘅人，我唔介意，第三次應該最掂！」他續說：「我第一段婚姻只係維持咗十個月，再婚都只係維持咗兩年半就完結，可能我哋識咗六個月就結婚（第二段婚姻），大家都冇了解清楚，經過今次之後，我明白要付出所有嘢，時時為着對方、遷就對方。」目前可有結交新女友？他說：「𠵱家睇中幾個，但唔知得唔得。」
回想當日參加比賽，William坦言當初試音只是玩樂性質，沒想過竟會一夜成名：「其實我係冇期望，因為當時Simon話我唔得，Randy、Paula叫我返屋企，諗住就咁玩完喇。好奇怪就係，當播完我個試音之後，就突然間一炮而紅，有150個電郵唔知邊度嚟，邀請我去表演、訪問，到
孔慶翔自爆經歷了兩段失敗婚姻，深信第三段會成功。DV圖片
fb live期間，有fans上前邀孔慶翔合照。互聯網圖片
非刻意做丑角
不少人覺得Ｗilliam成名是因為五音不全和舞步騎呢而成為大眾笑柄，William揚言不是專登去做丑角，對於經常被人嘲笑已經「睇開咗」，他樂觀地說：「有啲嘢做咗，出咗街，改變唔到，就惟有接受事實囉！人生可以睇好睇唔好，如果我睇唔開，做人咪好冇樂趣。」有網民問他會否再唱歌時，Ｗilliam說：「有人邀請我嘅話，啱咪唱囉，做人嘅嘢係把握機會。」
採訪：《蘋果》駐洛杉磯記者張紫茵
|
鍾意就快D Share啦！
|
|
|
