掃呢頁CODE去手機

2017年10月19日 星期四

鄭大班家有型男 [壹週刊 - 1441] __,M1,

同你吟一吟鄭大班家有型男大班鄭經翰同港姐老婆勞錦嫦育有三個仔,不過向來低調,佢哋廬山真面目,真係冇乜曝光。之但係百密都有一疏,呢日難得父子檔行街,傳聞 ...






同你吟一吟

鄭大班家有型男

大班鄭經翰同港姐老婆勞錦嫦育有三個仔,不過向來低調,佢哋廬山真面目,真係冇乜曝光。之但係百密都有一疏,呢日難得父子檔行街,傳聞呢位係鄭家三公子,廿多歲,生得高大威猛,有條件食呢行飯。

細仔高大威猛







佢同老豆冇代溝,行街兩父子好好傾,家教好嘅鄭公子,好細心咁將外賣盒分類放喺垃圾回收箱。





96年,大班手抱約兩歲嘅細仔,眨下眼而家已經係高大型男。

𥄫住女等老婆

出嚟行,預咗要還!

講嘅係,鄭大班(鄭經翰)陪老婆行街,預咗等等等。唔陪唔知大班咁好耐性。另一日見佢獨自喺商場徘徊,做埋柱男(挨住條柱),為嘅係要等一個人。

等咗十幾分鐘,老婆勞錦嫦終於出現。點知老婆隻手都未拖熱,勞錦嫦就話要去睇化妝品。深明女人 shopping,男人要等係定理嘅大班,喺店外繼續做「 Waiter」,結果佢喺商場繞場一週……兩週半……三週,但老婆都未出嚟!





等老婆百冇聊賴,有長髮女經過,大班𥄫咗一眼。放心鄭太,八珍做證,佢真係只𥄫咗一眼咁大把。





為大班生咗三個仔的勞錦嫦,算 keep得好,外貌無乜變。





老婆忙緊 shopping,大班嘅任務就係默默地等!

撰文:八珍

攝影、攝錄:娛樂組


鍾意就快D Share啦!