掃呢頁CODE去手機

2017年10月14日 星期六

【出櫃太難】盧凱彤眼濕濕 同太太結婚得父母祝福 被催生B __,盧凱彤,

「o依家我媽咪都仲係話『你唔要男朋友,其實兩個女仔都可以生小朋友o架,我好想抱孫。』」盧凱彤(Ellen)話。今年6月,Ellen喺台灣《金曲獎》嘅頒 ...


「o依家我媽咪都仲係話『你唔要男朋友,其實兩個女仔都可以生小朋友o架,我好想抱孫。』」盧凱彤(Ellen)話。

今年6月,Ellen喺台灣《金曲獎》嘅頒獎台上「出櫃」,仲宣布與台灣女攝影師余靜萍(小余)已婚。佢諗番起中學時期已經認知自己喜歡同性,但一直冇膽同父母坦白,直到同小余拍拖先有勇氣:「小余畀咗好多力量我,但佢從來都冇叫我come out(出櫃)。我心裏面好想爸爸媽媽去認識呢個我,我係一個好開心嘅女仔嚟o架!我同爸爸媽媽come out完之後,佢哋係好虔誠嘅基督徙嚟嘅,當時佢哋冇出聲,我媽咪仲同我講遲啲就會搵到個好男仔,佢一路都冇接受。」

不過Ellen同小余拍拖一年之後,本來唔識講國語嘅Ellen父母,已經可以同小余同枱食飯傾談,呢啲係愛呀,愛Ellen嘅表現呀:「跟住到到我結婚嘅時候,我同父母講我下個月會喺加拿大結婚,問佢哋想唔想出席,爸爸就話要去,媽咪就冇出聲,但係佢哋都買咗機票嘅。我最記得出發之前大慨3日,媽咪叫我落屋企,佢問我你個婚禮想佢着咩裙,跟住我就喊咗出嚟。我喺揀嗰條裙嘅時候,我覺得佢係真係好愛我。」呢個時候Ellen都講到眼濕濕。

而小余嘅父母係台灣高雄人,佢哋比Ellen一家更唔接受同性戀:「即係一個好大男人嘅南部家庭,佢哋一定係好反對同性戀嘅一種氛圍嚟o架,咁我記得我come out後,佢爸爸打咗通電話俾小余,佢就話『你哋咁樣呀,咁我哋使唔使擺番圍酒慶祝你哋呀?』跟住小余就喊喊喊…。」

盧凱彤珠寶:周生生 Chow Sang Sang

髮型:Cyrus Sit @Salon Amarone

化妝:Hubei Har

場地:The Upper House

採訪、編審:懷鈺

攝錄:馮峰、Neo

攝影:陳俊強

剪接:森



Ellen一講媽媽對佢結婚時嘅嘢就眼濕濕。 自言同父母關係唔多好,但其實大家都愛對方。
父母仲去台灣探Ellen,但國語唔多好o架。(網上圖片) Ellen同小余拍拖先向父母出櫃,開初媽媽並唔接受。(網上圖片) 小余俾咗好多勇氣Ellen。(網上圖片)
對於好多同性戀者嚟講「出櫃」唔容易,要同父母出櫃更加難。(陳俊強 攝) 佢太太小余嘅家人係Ellen出櫃先知,最後雙方父母都有送上祝福。(陳俊強 攝)

鍾意就快D Share啦!