陳輝虹，一提起這三個字，大家可能會想到他曾是商台DJ、唱片公司高層，又或者佢喺一啲電影入面嘅小角色，曾喺你腦海裏浮現過。
目前已是音樂才女黃丹儀老公嘅陳輝虹，你又可記得他曾與天后林憶蓮曾經發生過感情，佢哋兩離兩合，未能開花結果......
1984年，陳輝虹與憶蓮同樣喺商台做DJ，日久生情，可惜戀情只維持咗六個月，分手收場。其後憶蓮同陳輝虹都各自結婚同離婚，憶蓮同台灣著名音樂人李宗盛還育有一女李喜兒。
2005年，佢哋喺憶蓮嘅好友何婉薇嘅拉攏下，憶蓮同陳輝虹就愛火重燃，同年佢哋就趁住復活節假期去到北海道展開浪漫之旅，至年底佢哋就帶同憶蓮愛女喜兒一齊再去北海道札幌歡度聖誕及除夕，可惜一年後，佢哋就因為性格不合，二度分手。
當時就有傳陳輝虹同憶蓮分手嘅原因，係因為喜兒唔鍾意陳輝虹，但係陳輝虹回覆傳媒時話：「完全唔關小朋友事。」短短一年情火速玩完，究竟是誰提出分手？陳輝虹先答：「我一齊商量。」再問可是性格倔強的憶蓮提出時，他又說：「差唔多可以咁講，不過我係理智情況下講。」這段情可有轉彎餘地？他語調哽咽的說：「我試過，要改變可能要再等20年，我真係覺得好可惜，可能佢想一個人自由。」但半年後，陳輝虹仲同黃丹儀閃婚。
過去陳輝虹都好少談及佢哋憶蓮嘅感情，06年佢曾經接受專訪時，雖然事前講明唔提女友林憶蓮，最後都好「被動」咁講咗少少。當時任職Gold Label高層嘅陳輝虹，專訪中問到佢點樣去幫助旗下歌手兼女友林憶蓮時，佢就好簡單話冇得幫，費事嗌交。適值當時有傳憶蓮懷孕，記者便單刀直入咁問佢哋如果會點處理，陳輝虹就話，根本冇(BB)，明明冇(BB)，佢仲話其實可以寫陳輝虹患咗絕症，寫到佢死嗰日，人始終會死，於是報道一定會中。
講到結婚，陳輝虹就好決絕話唔會再婚(但之後佢同黃丹儀閃婚)，仲話自己已經唔相信結婚，至於憶蓮嘅囡囡喜兒，陳輝虹回答到憶蓮係咪介意喜兒曝光，佢就話應該係，亦因為提到喜兒，觸及到佢嘅臨界點，訪問亦因此而告終。
| 憶蓮同陳輝虹兩離兩合。(資料圖片) | | |
| | | |
| | | |
| |
|
鍾意就快D Share啦！
|
|
|
