掃呢頁CODE去手機

2017年10月3日 星期二

被催追「狗仔」 千嬅:想我更年期前搞掂? __,千嬅,楊千嬅,

楊千嬅話追B順其自然。歌手楊千嬅在個唱記者會上獲媽媽及仔仔Torres到場打氣,不過Torres一直在後台,直至記者會開始便回家食飯。千嬅接受訪問時感 ...


楊千嬅話追B順其自然。


歌手楊千嬅在個唱記者會上獲媽媽及仔仔Torres到場打氣,不過Torres一直在後台,直至記者會開始便回家食飯。千嬅接受訪問時感激草蜢說:「啱啱喺南京返,買唔切中秋節嘢,真係用得着。」

追B順其自然

一直想再生的千嬅,被問到個唱後會否努力造人生「狗仔」?千嬅大笑說:「大家係咪希望我喺更年期前搞掂?呢啲係天賜,冇就好好教個仔,雖然生兩個好開心,但順其自然啦。」

由於她由12月23日開到12月26日,加上宣布門票反應熱烈,加開12月29日至明年1月1日四場,問到會否再加12月27及28日兩場?千嬅說:「開幾多得幾多,公司怕我辛苦,想我抖抖,加開到就開,開唔到就抖啦,冇乜所謂,今次已經破咗我之前開7場嘅紀錄。」因為千嬅未試過在聖誕及跨年開騷,她開心說:「人生得到好大紀念價值,好珍惜,今次會用好多體力。」問到仔仔Torres會否上台?千嬅說:「唔會喇,希望佢簡單啲。(老公丁子高上台?)唔會啦,因為佢都好忙,又要想飛債。」

日本旅行有人讓座

對於利用機械爬上山遭漁農署人員查問,千嬅說:「都練咗2個月,教練話去戶外做空氣好啲,可以練到心肺功能。(漁農署人員有冇畀告票你?)佢停車望一望,同埋話影我相,因為我冇化妝同着得好怪,所以冇畀佢影。(有6舊腹肌?)冇刻意做,只係有線條。」

不時送仔返學的千嬅坦言仔仔Torres已搭校車,並透露不時與仔仔搭港鐵,千嬅說:「唔理,咪由人望囉,會不停Hello。(有冇人讓座畀你?)反而暑假同仔仔去大阪旅行時真係有人讓座畀我,當時我食到成60KG。(你有坐?)我冇坐呀。(即刻減肥?)食多陣先。」


來源 source: http://hk.on.cc
鍾意就快D Share啦!