黃心穎自爆同Oppa鄭俊英拖手時怕醜。
無綫小花黃心穎早前與韓國男星鄭俊英到倫敦拍攝節目，首度與韓國男星合作，心穎直言感到緊張，最怕溝通唔到，即時上網「起底」做功課。在與鄭俊英見面前更發生小插曲，心穎在酒店準備時不慎被困洗手間內，她透露：「幢建築物太舊，成度門卡實咗完全開唔到，我求救咗45分鐘，最終由酒店職員破門先出得番嚟！」
波折重重的黃心穎終於與拍檔鄭俊英見面，拍攝過程相當順利，除了歸功於專業的韓國拍攝團隊，Oppa鄭俊英更化身「暖男」主動貼心配合，令她事前的擔憂已煙消雲散，心穎更與他一拍即合，笑說：「可能係大家都比較Outgoing，比想像中易相處，兩日時間好快過。（嗌Oppa拉近距離？）有呀！點知佢投訴我咁叫佢，話我大過佢唔可以咁叫。」心穎又自爆拖手時有觸電感覺：「有一刻怕醜咁啦，難得有人拖我手踩滑板咁Sweet！佢好細心，合作得好舒服，大家隨性發揮，導演都讚我哋襯！（有冇留低聯絡方式？）都有呀，叫我去韓國記得搵佢！」咁親密，唔怕男友馬國明呷醋？
來源 source: http://hk.on.cc
|
鍾意就快D Share啦！
|
|
|
