2017年10月13日 星期五

【夫妻同步報喜】恭喜!37歲杏兒誕8磅B仔:開始餵人奶,要閉關喇 __,杏兒,胡杏兒,

【新增回應】恭喜恭喜!杏兒生咗喇!BB係仔嚟嘅,已經出咗世幾日喇,重7-8磅,改名叫Brendan。老公李乘德(Philip)剛剛喺IG報喜,貼咗張佢 ...


【新增回應】

恭喜恭喜!杏兒生咗喇!

BB係仔嚟嘅,已經出咗世幾日喇,重7-8磅,改名叫Brendan。老公李乘德(Philip)剛剛喺IG報喜,貼咗張佢抱B嘅相,用英文寫咗篇長文報喜,佢話太太雖然已經生咗幾日,但體力未回復,依家仲好攰,要俾啲時間佢休息,仲話多謝大家祝福。Philip仲好自豪咁話囝囝肺量強勁!

胡杏兒所屬公司發言稱杏兒已經出咗院喇!

Philip話,BB個名係佢發夢時「見到」,愛爾蘭人嘅意思係「王子」咁解。

剛為人母嘅杏兒同步喺社交網貼圖,兩公婆用手圈成心心,包住囝囝隻手,然後寫「我們仨」。咦,同郭富城微博報喜話太太生咗一樣喎!

胡說八道成員紛紛祝賀,黃智雯狂貼心心,寫道:'Hello babe lee , welcome welcome!'

好姊妹胡定欣都有留言講恭喜,而陳敏之就喺杏兒Ig回覆"Congratsssssss Baby!!!U are super mama!好叻叻!"

恭喜晒李生李太!

杏兒透過所屬經理人公司宣傳部回應:「我哋已經返咗屋企,因為都有啲攰,開始餵人奶,要閉關喇。多謝各位祝福,我哋母子平安,好開心順產成功,感恩!」



胡杏兒微博報喜 李乘德ig貼圖,同步報喜




上月22日,城城在微博貼一家三口手手相報喜,都係寫「我們仨」。

鍾意就快D Share啦!