曹星如於會展大戰河野公平，力爭22連勝，星如今次對手實力非常強橫，體力雄渾右拳亦極具威力，於第二回合，雙方發生頭撼頭意外，令曹星如左額迅速隆起，起了成個「大樓」。曹星如雖然受傷，但依然奮勇作戰，第五回合更曾兩度擊中河野頭部。第五回合完結休息時，已清楚看到星如傷勢加劇，已腫至左眼。第六回合打到剩低1分24秒，裁判要求駐場軍醫檢查星如傷勢，如果不影響視線，才可以繼續。河野雖已36歲，但體力雄渾，多次埋身以右勾拳擊中星如。
第七回合未開始前，拳証覺得不宜繼續，因是次傷勢非任何人犯規，決定收回前六回合成績加以計算，最終星如以點數擊敗河野，戲劇性反勝。
賽後星如於台上爆喊：「對唔住老婆呀，我又打腫咗隻眼呀！Thank you everyone，今次我好盡力去做到教練叫我做嘅嘢，保持冷靜，運用自己組合拳去擊倒對方。多謝河野公平，佢真係好犀利。我隻左眼好痛呀（一邊喊一邊講），在第四回合我隻眼痛到想跪低，超級痛，但我都堅持住，呀～～～～好多謝教練、多謝JAY，這幾個月教練一路身邊鞭策我，提升我體能，將傷患治好，身體協調做得好，都係為咗今日、今晚，我盡了全力了，Thank you！」致辭完後，星如被即時送到醫院治療，教練並出來講星如情況。
東網體育同你追實體壇每個精彩時刻！
http://bit.ly/2ecTF2A
來源 source: http://hk.on.cc
|
鍾意就快D Share啦！
|
|
|
