掃呢頁CODE去手機

2017年11月24日 星期五

瘋狂掃貨嘢食鋪滿地 Bob嫂:四個斷擔挑 __,Bob,林盛斌,

Bob嫂大出血買到一地都係嘢食,好誇張呀!70年代時家計會為咗勸籲市民節育,就推出咗口號「一個嬌、兩個妙、三個吃不消、四個斷擔挑」,不過今時唔同往日, ...


Bob嫂大出血買到一地都係嘢食,好誇張呀!


70年代時家計會為咗勸籲市民節育,就推出咗口號「一個嬌、兩個妙、三個吃不消、四個斷擔挑」,不過今時唔同往日,時勢逆轉鼓勵大家生育,而藝人林盛斌(Bob)同老婆Pearl就生咗4個,最大嘅囡囡林霏兒(Faye)依家9歲,最細嘅囝囝今年8月出世,要養大4個仔女真係長路漫漫!而呢日Bob嫂就喺Instagram上載咗張相,原來佢去咗瘋狂掃貨,啲戰利品真係多到嚇死人呀!

適逢尋日有超級市場展開為期5日嘅大減價,Bob嫂就趁機大開殺戒,佢留言:「今日(尋日)對於各位靚太實在係全城盛事嘅開始!一早我已經去左(咗)放血,返嚟send左(咗)呢張相俾(畀)林生,勉勵佢努力工作,鬼叫你生左(咗)四件,仲一屋都係人!佢話:去買野(嘢)買到咁 會唔會有啲離地?😅😅」

相中見到Bob嫂真係買咗超級多嘢食,一大堆乾糧同雪藏食品鋪到一地都係,閒閒哋都超過32塊扒、片裝芝士12包、調味料過10枝,腸仔7包等等……真係數都數唔晒,究竟阿Bob屋企有幾大、有幾多個雪櫃呢?其實除咗4個細路,屋企仲有家傭姐姐,網民都笑言:「可能2個星期就食哂(晒)!」Bob嫂仲上載咗同老公WhatsApp對話,佢話:「你要努力工作,四個斷擔挑。」相信阿Bob咁搵得錢,唔會斷擔挑嘅!


來源 source: http://hk.on.cc
鍾意就快D Share啦!