掃呢頁CODE去手機

2017年11月24日 星期五

政Whats噏:政Whats噏︰放棄補選 游蕙禎Plan B收檔 __,游蕙禎,

外傳袁健恩(右)是游蕙禎(左)的PlanB。(互聯網)因宣誓風波而被取消立法會議員資格嘅青年新政游蕙禎,早前透露可能會支持一位同路人,出戰明年舉行嘅立 ...


外傳袁健恩(右)是游蕙禎(左)的Plan B。(互聯網)


因宣誓風波而被取消立法會議員資格嘅青年新政游蕙禎,早前透露可能會支持一位同路人,出戰明年舉行嘅立法會九龍西選區補選,而呢個「Plan B」有指係有「佔中牧師」之稱嘅袁天佑個仔、活躍於社運圈子嘅袁健恩。不過,袁健恩今日(23日)就宣布唔會參與補選,睇嚟呢個Plan B正式收檔。

袁健恩喺社交網站宣布唔會參加補選,又話原因非常簡單,「與其內耗初選,不如合作對外」,覺得應該要統一戰線進行對抗至啱,換言之一句講晒,就係反對民主派嘅初選大計。

早前有報道講過,民主派想參加補選嘅話,可以向負責協調嘅民主動力提交名單,不過就要分擔初選嘅費用,參加九龍西補選初選嘅就要畀5至6萬港元,而新界東仲要成10萬港元添,真係有錢有得選,冇錢唔使玩。

袁健恩就話,目前有機會參加補選嘅有民主黨、民協、前公民黨成員曾健超同佢自己,但基本上都冇一個得到廣泛支持,無論邊個勝出初選,都無法取得足夠支持咁話。唔通因為咁,袁健恩寧願慳番幾萬蚊,費事嘥心機?


來源 source: http://hk.on.cc
鍾意就快D Share啦!