阿女好擦得！
剛為人母的藝人楊洛婷為沙田馬場舉辦的「浪琴表香港國際賽事」擔任司儀，以低胸裙上陣的她身材呼之欲出，問到身邊朋友是否很羨慕其身材？她坦言：「咁又冇人咁講，啲人淨係問我係咪好多人奶，我都算多，但我個女好大食，我有幾多都唔夠佢飲。佢依家飲13安士奶一餐，醫生話唔可以畀佢飲咁多，我個女兩個月大，啲人見到就問我個女係咪四、五個月大，佢個身好長，但頭好細，老公（樂隊Dear Jane主音Tim）話囡囡係模特兒身形。老公對個女乜都讚，個女喊，佢就話囡囡把聲好嗲。」
楊洛婷又稱老公早前到了內地開演唱會，回來後指囡囡大隻不少，問到Tim會否想念囡囡多過她？她笑言：「佢返到嚟話老婆我好愛你，愛你多過個女。」她自爆明天便是夫婦倆結婚三周年，知道老公已訂好餐廳，兩人會暫時撇甩女兒，享受二人世界。她說：「我之後就帶囡囡去加拿大探屋企人，喺嗰邊過聖誕同除夕，Tim要喺香港參加完晒頒獎禮，一月先過嚟會合我去紐約，雖然囡囡出世第一個聖誕節唔可以一齊過有啲可惜，但畀BB見我爸爸緊要啲，我爸爸同我個女嘅農曆生日係同一日，我細佬上星期又生咗個女，到時我個女100日，細佬個女滿月，要搞好多party，好熱鬧。」
來源 source: http://hk.on.cc
|
鍾意就快D Share啦！
|
|
|
