廉署日前首度與證監會聯手調查康宏環球(1019)，而外界盛傳康宏執行董事曹貴子同是廉署的調查對象，惟至今曹貴子行蹤未明，有消息指他已離港。不過被指與曹 ...
廉署日前首度與證監會聯手調查康宏環球(1019)，而外界盛傳康宏執行董事曹貴子同是廉署的調查對象，惟至今曹貴子行蹤未明，有消息指他已離港。不過被指與曹貴子關係千絲萬縷、外號「玩具大王」的蔡志明，在「謎網50」風暴後今日巧遇《蘋果》，在記者多番游說下他終於肯接受這次專訪，澄清他不是曹貴子的「幕後金主」，更直言：「佢老竇老母同老婆有個禮拜日朝早同埋佢，走嚟我屋企跪我，嚇到我死！話蔡大哥你一定要幫吓貴子呀，……(話)除咗(我)冇人肯幫佢呀！」
至於最近一次與曹貴子見面，蔡志明坦言是一個多月前的事，曹貴子曾到他辦公室要求借錢，「我話醫生，而家口唔係借唔借嘅問題，我話你係呃我咁耐，個個都話我係你後台金主，如果我今次再同以前咁樣借錢畀你，啲人就會知道我係你後面老細，所以你係自己害自己，我仲會同人哋講今次一定唔會救你，我救你即係自己害自己！」
蔡志明又直言今次不會再對曹貴子心軟，拒絕借錢給他清還孖展數，雖然不是大數目，但擔心會再被拉上關係，「我略略同佢諗過，借20幾億應該搞掂晒……，但你(曹貴子)呢單嘢你幾十隻殼，你害死好多人，淨係一隻康健，加怡(女兒)已經喺我面前喊過兩次，你(曹貴子)而家幾十隻，你諗吓幾多人俾佢害咗！」事後曹貴子曾發短訊向蔡志明道歉，但由於內容「太私人」，他只讓記者看看，卻不許拍攝，惟他強調：「佢猛道歉，但我都唔可以原諒佢！」
至於其女兒蔡加怡雖然是康健國際醫療的主席，但至今未被證監會調查。他直言女兒「掛名」擔任康健主席，主要負責醫生的人手安排及生意擴充事宜等等，並無沾手股份買賣。蔡志明透露，證監會介入調查後，他曾向女兒查問了兩次，女兒表明：「老竇！我真係乜都唔知。」
而曹貴子目前的行蹤，據蔡志明相信他正於澳洲處理醫療業務。對於坊間有指他與曹貴子的關係千絲萬縷，蔡志明大嘆無辜，只是以往經常借錢予曹貴子，懷疑有人以其簽名的支票，作為「生招牌」。蔡志明講述兩人認識經過，指出自己早年因為「睇醫生」而結識曹貴子，並入股康健國際醫療(3886)，股份的買賣亦全權交由曹貴子打理，鮮有過問，「數目咁細，只係我生意的萬分之一，點會Care」。
談及對曹貴子的印象，蔡志明稱讚「曹貴子真係好聰明，做嘢好叻，同人相處又好」，因此而與對方做朋友。蔡志明透露，曹貴子過去經常問他借錢，每次只是數億等「小數目」，對方事後多次都有連本帶利歸還，但現時對方仍欠他5億元仍未還清，「借咁多次錢佢，真係一次過就仆晒。」蔡志明稱接受訪問後，將會暫時離港。
「謎網50」風暴事件至今共有4名上市公司高層被捕，包括康宏主席王利民、副主席馮雪心及執董陳麗兒；另康宏前行政總裁、隆成金融(1225)現任主席麥光耀亦被捕，目前相關人士已先後獲釋。
你敢爆，我敢獎！ 即Call《蘋果》24小時爆相爆片熱線：63836568
