男星疑因「偷食」被斷正而引起城中熱話，「偷食」更成為熱門拍攝題材之一，近日無綫熱播劇集《溏心風暴3》中，飾演靚仔CEO的唐文龍亦背住老婆胡琳「偷食」長腿陳敏之，發展不倫之戀，令觀眾睇到嘩嘩聲！對於「偷食」風氣，圈中男、女藝人各持己見，當中前大律師林作接受東網訪問時表示，雖自言從未試過偷食，但卻分析出男性偷食的原因：「男人天性並非一夫一妻只鍾情一個，好多中國學者都話中國人三妻四妾係符合男人本性。不過現代社會只可綑綁式一對一，所以令人性想偷食。偷食最大直接原因，主要係不滿與另一半之間嘅關係，為咗解決和滿足，所以想搵另一個。」
林作化身「拆彈專家」
林作坦言反對偷食行為：「我好反對，要好公平咁分開咗手先。要每一刻心入面只有一個，想食要好光明正大咁食。一係就唔食，要食就食自己嗰個！」對於「偷食男」被斷正後，往往自身難保周身蟻，林作即化身「拆彈專家」教大家可以出動「慘情牌」和「以退為進」招式來化解危機：「將成件事包裝到兩個人關係因為唔融洽而發生問題，亦因為咁而選擇咗逃避同蒙蔽自己個心先去亂溝女。要包裝到係由第三者問題，轉而到去係雙方感情問題引致。解決咗雙方矛盾後，仲可以喊完之後再相擁，甚至乎魚水之歡，真係十分完美嘅Scenario（場景）！」
偷食遲早瀨嘢
但對於愛情來的時候，很多事都擋也擋不住，林作指惟有偷食都要偷得有技巧：「愈係正人君子，但陰滋去做（偷食）遲早瀨嘢，一次沉船就玩完。最好係日日讚呢個靚、嗰個索，周圍口花花，畀人感覺你係會偷食嘅人，咁就唔知你邊鋪真、邊鋪假。當大家只覺得你只係口花花時，咁你就可以去偷食，咁就高招！」林作身邊不時出現不同女伴，他亦化身「愛情醫生」醒大家兩招傍身，讓大家隨時自救防止另一半「偷食」方法：「一係同居，冇空間畀佢喺出面曳，另一個方法係Check對方電話！」
「點解要亂插」」
至於女性方面，面對另一半偷食應如何處理，作為「宅男女神」的周秀娜坦言遇上另一半偷食的話，必定要「切咗佢」作嚴懲：「如果遇到另一半偷食，殺咗佢、切咗佢，切『啫』囉！男人好似紅酒酒塞，女人係紅酒，每支都係獨一無二，男人點解要亂插呢？一係唔好飲，一飲就要飲清咗佢，唔好飲一半又放喺度，算點呢？」
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|
