曾醒明重出江湖，將於明年一月開始為「亞視」擔任外事部總監！
亞洲電視數碼媒體有限公司成立典禮今日舉行，一眾藝人現身撐場。其中前無綫企業傳訊部宣傳科副總監曾醒明亦有出席，將於明年一月開始為「亞視」擔任外事部總監的他，笑言今日以義工身份出席「亞洲電視數碼媒體有限公司成立典禮」。問到為何重出江湖？他表示今年四月吳雨已口頭上邀請他加盟，到九月便正式邀請，加上營運總裁區偉林是他以前直屬上司。
望網民勿未睇先負評
曾醒明說：「自己退休時做咗好多慈善活動，佢覺得我同媒體交情可以出任外事部總監，負責安排節目宣傳和同媒體通，但好多細節仲未清楚，不過知道今日有發布會，我都義不容辭出席。（清楚人工未？）未，真係未簽。（會否擔心冇糧出？）唔擔心，有吳雨喺度。而且唔係主要為錢，係為香港電視事業出一分力，希望帶嚟良性競爭，百花齊放。」對於網民對「亞視」失信心，曾醒明表示：「理解嘅，依家係全新亞視形象，未開始就負評就好唔公平。」
張紋嘉做主持感緊張
另外，藝人張紋嘉受訪時，透露將會聯同DJ余宜發和陳宇琛合作主持「亞視」播出的音樂節目《激活音樂》。張紋嘉自言當日監制找她擔任主持時，已感到好緊張，自嘲：「搵我？係咪搞笑呀？我以前都做過文青節目嘅主持，但係我做完之後都覺得自己窄窄地，喺資訊方面。」講到酬勞方面，她表示：「OK，同其它公司差不多。（會否擔心冇糧出？）唔驚，香港可以追究，都唔擔心，信得搵我嗰個人。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
