2017年12月4日 星期一

重口味!陳柏宇開騷軒仔送情趣皮鞭贈興 __,軒仔,陳柏宇,張敬軒,

軒仔送皮鞭,Jason都睇到呆咗!歌手陳柏宇(Jason)於紅館舉行演唱會,去到尾段,Jason同嘉賓張敬軒合唱《騷靈情歌》,唱完之後兩人即擁抱。Ja ...


軒仔送皮鞭,Jason都睇到呆咗!


歌手陳柏宇(Jason)於紅館舉行演唱會,去到尾段,Jason同嘉賓張敬軒合唱《騷靈情歌》,唱完之後兩人即擁抱。Jason即把握機會將新專輯送給軒仔,更直言軒仔係自己嘅學習對象。提到Jason只穿上背心同牛仔工人褲,軒仔話:「點解我同你同一個造型師,但你咁少布,我咁多布,其實我都露得㗎,我都有腹肌,不過係六舊變咗一舊。」其後,軒仔就送上皮鞭一條給Jason,當Jason笑指自己都有一條嘅時候,軒仔搞笑話:「你嗰條邊有咁長呀!我係一個好傳統嘅人,祝你鞭鞭有力,寫多啲唱多啲好歌畀大家,個鞭頭仲要係心形!其實我係用嚟送畀阿嫂嘅,我呢啲無福消受,通常踩完紅館嘅artist未來都會好忙,如果你唔抽時間返屋企陪阿嫂佢就可以鞭策你,到時再話我知用得爽唔爽!」除此之外,軒仔更抵死送上男裝情趣內衣,笑言只得袖口、頸同重要部位有布遮住。當Jason問軒仔size啱唔啱自己時,軒仔即話:「目測呢啲我好叻㗎,大個仔喇,要啲嘢傍吓身!」

然後喺Jason落台換衫嘅時候,軒仔喺台上話喺工作嘅時候認識Jason,指Jason經常自己坐埋一邊,亦好少同其他人寒暄,更即場為Jason拉票:「佢就係喺用嚟寒暄同玩嘅時候,用呢啲時間默默咁做音樂,所以佢都好少花邊新聞。所以今日對我同對佢,同埋聽Jason嘅歌嘅人嚟講係好緊要,佢係用音樂去說話。由聽日開始投票,希望大家投票畀佢,如果有多嘅話,就投畀我啦,多謝!」隨後唱出《櫻花樹下》。


來源 source: http://hk.on.cc
鍾意就快D Share啦!