楊洛婷指父親喺2017年9月正式輪候，排咗3個月就等到合適嘅心臟同腎，真係好感恩呀！
身在加拿大的楊洛婷昨晚在社交網發文表示父親在當地剛接受完心臟及腎臟移植手術，今日楊洛婷於電話訪問時表示父親的手術很成功，情況穩定，但仍用藥物令他睡覺，她說：「因為大手術過後，病人醒番會好茫然，其實爸爸醒過一次，但佢好confuse，所以醫生用藥令佢繼續瞓覺，可能遲幾日先會畀佢自己醒。」
已換過一次心
楊洛婷指其父因為天生缺少心瓣，早於15年前換過一次心臟，由於長期要服用抗排斥藥，以至近年腎衰竭需要換腎，今年年中發現心臟亦出現衰竭現象，心腎皆需要進行移植手術：「我哋今年9月正式排隊輪候，我今個月16號帶個女返加拿大探父母，27號係我個女嘅百日宴，亦係我細佬個女嘅滿月，點知當日就接到醫院電話話有合適心臟同腎，要即時同我爸爸進行移植手術，我哋都好感恩，咁快有合適，真係好神奇，係最好嘅新年禮物，係新一年新開始。27號下午我哋送完爸爸入手術室，就繼續夜晚嘅宴會，因為爸爸話請咗咁多親戚嚟參加百日宴，唔可以取消，當晚我哋好開心但又好擔心，爸爸做手術前，我同佢講，我特登生個女同佢玩，叫佢要快啲醒番。」
視乎情況更改行程
楊洛婷又透露老公兼Dear Jane主音Tim參加完各大音樂頒獎後便會到加拿大會合她，原定兩人會再飛到紐約探望Tim的家人，一月中回港，但楊洛婷稱現時要視乎父親情況而再決定歸期及行程。
來源 source: http://hk.on.cc
|
鍾意就快D Share啦！
|
|
|