掃呢頁CODE去手機

2017年12月25日 星期一

【冧爆扮鹿】 晒合照公佈戀情?欣宜面貼面賀聖誕 __,欣宜,

近年主力發展歌唱事業嘅欣宜喺上個月跌斷腳要入院做手術,仲Post咗條片講自己嘅心情(新聞連結:http://bit.ly/2hgSV0G),不過好彩之 ...


近年主力發展歌唱事業嘅欣宜喺上個月跌斷腳要入院做手術,仲Post咗條片講自己嘅心情(新聞連結:http://bit.ly/2hgSV0G ),不過好彩之後欣宜都冇乜事,今個月初已經拆咗石膏。

嚟到聖誕佳節,通常喺各大社交平台都會上映「閃光彈攻防戰」,一對對情侶走晒出嚟大晒恩愛亂放閃光彈,一個人過「剩誕」嘅真係唔小心啲都會被閃盲,而欣宜喺呢個聖誕節都喺IG貼出同一名男子嘅親密合照,仲寫道:「Reunited on Christmas with the love of my life!」(於聖誕節與我生命中的最愛重逢),唔通想襯聖誕節公開戀情?

其實欣宜向來異性緣都好好,呢位男子亦都唔係第一次喺欣宜嘅IG出現,上年八月時欣宜已經晒過一張熊抱嘟嘴照,當時《蘋果》聯絡咗欣宜,佢就話:「唔係男友,佢係我個best fd嚟咋。」不過就算冇男朋友,佳節有個Best fd都唔錯吖。

更多娛聞,喺晒《娛果》

http://fb.com/appledailyent

欣宜喺上個月跌斷腳要入院做手術,不過好彩之後欣宜都冇乜事。(IG圖片) 欣宜今日喺IG貼出同一名男子嘅親密合照。(IG圖片) 其實呢位男子唔係第一次喺欣宜嘅IG出現,上年八月時欣宜已經晒過一張熊抱嘟嘴照。(IG圖片)

鍾意就快D Share啦!