掃呢頁CODE去手機

2017年12月17日 星期日

【婆媳關係冇問題】媽媽婚前婚後都咁nice 周志康嘆好彩:關係好都唔係必然 __,周志康,

巨聲幫出身嘅細孖周志康,喺14年同拍拖5年嘅女友Emily(盧芷茵)奉子成婚,雙喜臨門。雖然周志康好少將家事掛喺嘴邊,不過私底下兩公婆真係好恩愛,仲成 ...




巨聲幫出身嘅細孖周志康,喺14年同拍拖5年嘅女友Emily(盧芷茵)奉子成婚,雙喜臨門。雖然周志康好少將家事掛喺嘴邊,不過私底下兩公婆真係好恩愛,仲成日喺ig放閃!唔單止咁,佢老婆Emily喺ViuTV主持《Girls talk 愛情開箱》,最近有一集嘅話題係講到婆媳關係。

Emily話喺呢方面絕對冇問題,因為佢同奶奶相處得好好,讚奶奶基本上婚前婚後一樣咁nice,佢仲話:「試過同老公吵大鑊,嬲到要走出門口,奶奶拉住唔俾我走,跟住仲企埋一邊,話個仔點樣點樣,之後話叫我唔好走,有乜嘢坐得慢慢傾!」之後佢哋仲搵咗個證人,呢個就係囡囡Emma,成班主持人問佢個女媽咪有冇同嫲嫲嗌過交?Emma點點頭之後話:「有,媽咪曳!」結果搞到媽咪勁尷尬喺度笑!

其後周志康接受傳媒訪問,講到太太同媽咪相處融洽,佢話:「我同太太都相處咗9年,佢哋都識咗8年幾,知道佢哋一直相處好好,不過我自己覺得好好彩,婆媳關係好都唔係必然!」Emma年紀小小對住鏡頭一啲都唔怯,睇落又好鬼可愛,唔知佢又有冇計劃生多個B?周志康話:「睇緣分啦,唔係想就有嘅,不過囡囡又真係好可愛!」

講到湊女嘅工作,周志康話:「主持節目對我太太嚟講興趣嚟啫,佢都係久唔久先拍下,所以平時湊女嘅工作主力係我太太,我係做副手,唔使開工就一齊家庭樂!」至於o依家嘅工作,佢就話:「算係不過不失喇,不嬲都係乜都掂吓,拍劇主持唱歌,o依家得閒又會開吓Live唱歌,久唔久唱吓都好開心!」

更多娛聞,喺晒《娛果》

http://fb.com/appledailyent

(ig圖片) Emma話媽咪曳曳,搞到Emily勁尷尬。(電視cap圖) (電視cap圖)
周志康經常同老婆喺ig放閃。(ig圖片) (ig圖片) (ig圖片)
(ig圖片)

鍾意就快D Share啦!