各自各精彩～
藝人張栢芝昨與Quintus、細佬張豪龍女兒現身香港機場，心情不俗的她表示到北京工作，順道帶小朋友去玩，至於為何Lucas未有同行？栢芝說：「佢要參加同學仔嘅生日會，依家仔大仔世界，佢有自己嘅朋友。」
謝賢記掛孫仔
前日謝霆鋒從北京返港，並提到與王菲一起，日日都是過節，問到栢芝點睇？她笑言：「我同兩個仔一齊都日日過節，好開心㗎！」早前謝賢在節目《寶貝的新朋友》中透露很久沒見過兩個孫仔，對此，栢芝一臉疑惑，並說：「聖誕冇人話要見Lucas同Quintus。」至於霆鋒有沒有相約兒子見面？栢芝起初不願多作回應，着記者講其他話題，不過在記者再三追問下，栢芝才淡然說：「冇！」對於外間一直有傳她力阻謝賢、狄波拉見孫仔，會否感到很委屈？栢芝說：「我只想講，兩個仔嘅爺爺、嫲嫲同爸爸都係好人。」霆鋒方面截稿前未有回覆。據知霆鋒一直忙於拍攝其主理的飲食節目《鋒味》，在元旦假期已經相約兒子見面。
開網店睇餸食飯
栢芝昨日打扮潮爆，原來除了太陽眼鏡外，全身都是她新開網店的產品，全部都是出自她的設計，問她何解會開網店？栢芝笑言：「想慳錢嘛，自己開網店咪唔使出去外面花錢買衫，慳得就慳，睇餸食飯！」其實栢芝入行至今，時裝觸覺一向敏銳，今次出自家品牌服裝當然有一定信心，而昨日她所佩戴的太陽眼鏡品牌，原來也請了栢芝合作共同設計太陽眼鏡產品，其網店生意雖然剛起步，發展尚算順利。
來源 source: http://hk.on.cc
|
鍾意就快D Share啦！
|
|
|
