組合Twins的蔡卓妍（阿Sa）和鍾欣潼（阿嬌）今年齊齊宣布有拖拍，阿Sa男朋友石恆聰（Anthony）坐擁百億家底富二代，阿嬌則有台灣「醫界男神」賴弘國（Michael），但兩人聖誕到上海商演，要男友慘度Lonely X'mas，阿Sa認為慶祝不一定要正日，阿嬌自爆已收到男友的聖誕禮物，並爆男友拍拖後滴酒不沾。
唔使正日慶祝
今個聖誕節阿嬌和阿Sa一如以往孖住出商演掘金，唯獨心情與去年截然不同，因是和男友拍拖後首個聖誕節，對未能在男友身邊度過浪漫佳節，兩位男友可有微言？阿Sa表示：「唔係嘅，有唔係正日慶祝日子嘛，大家都活咗咁多年喇，仲小學生咩。」阿嬌亦言：「同生日一樣啦，都覺得活咗咁多年，冇乜所謂嘅。」阿Sa笑言：「送吓聖誔禮物都要，都咁大個人喇，大家睇開啲！」
阿嬌男友絕迹夜店
撇低兩個男人過寂莫聖誕可放心？阿Sa抱開放態度認為男友都有自己圈子朋友，而阿嬌稱男友已絕迹夜店派對：「自從佢同咗我一齊就好少飲酒，冇飲過添。（為你自動戒酒？）因為我都冇飲，佢又冇乜機會飲。」阿嬌男友靚仔又細心，更提早給阿嬌送上聖誕禮物，她甜到爆說：「送咗添因為唔係度度都買到。（啱晒心水？）就係啱心水佢先畀錢。」
阿Sa醉到嘔
至於聖誕Party，兩人笑言攝到時間就去玩吓，會做Party搞手！阿Sa稱其實不愛當搞手，但到最後總要「出手」，因不少朋友都是藉每年一次Party中聚一聚，但每次Party完後她都嗌「咪搞」：「試過好多朋友同時『劏』（嘔），佢哋唔係嘔喺廁所，係周圍嘔，自此之後我都唔好意思再去嗰個場。」問到阿Sa是否醉到嘔時，她坦言：「咁我梗係有試過『劏』啦，但係唔會咁張揚咁嘔法，有啲朋友係醉都不省人事，我係唔會畀自己醉到咁。」講到最難忘的交換禮物，阿Sa笑言抽到三條廁紙，但她喜歡這種將家中廢物作來抽獎，是最好「散貨」機會，阿嬌抵死笑說：「每年先抽一次，要幾多年先清得晒。」
場地提供：如心銅鑼灣海景酒店
化妝：Yanne Lee@ndnco.co
髮型：@嬌 Keith Wong
@Sa Kate Shek
服裝：@嬌 VIVETTA
@Sa Phillip Lin
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|
