藝人林子聰（肥仔聰）近年事業發展不俗，演員、導演工作密密做，前年更為狂收34億人民幣的周星馳電影《美人魚》擔任執行導演，不過風光背後，原來同年卻受過很大打擊。由他有份投資兼執導，張繼聰、台灣歌手阿信、陳浩民及內地女星周奇奇演出的電影《笑林足球》，在內地上映時因宣傳不足，導致票房失利，電影的投資方又未有履行承諾將資金到位，令到電影要縮皮，而內地電影宣傳方面做得不好，排片比例又少，令到電影只上了數日便落畫，再加埋賣埠去東南亞時，遇上騙徒中介人竟然一去無回頭，各單位多重失利下，他的投資當然凍過水，最後一蚊都收不到，肥仔聰與另一位投資者共慘蝕二千多萬。
陳浩民唔收錢力撐
東網就此事求證肥仔聰，他無奈承認事件，並透露為該片投資三百萬元，換來蝕到入肉經歷：「呢套戲我十年前開始寫第一稿，好鍾意個劇本，籌備到拍攝用咗一年，個個演員都盡心盡力，張繼聰同阿信為套戲仲去健身、節食同練波，阿信更加由唔識踢波，到一腳彎過人牆入網，仲為套戲寫咗首好好聽嘅主題曲！」肥仔聰續稱，好友陳浩民更不收分文以示支持：「我諗住等有收益嘅時候，分番少少畀佢，依家都冇得畀，變咗白做，都非常唔好意思！」
而曾演出過內地劇集《瑯琊榜》飾演宮羽的內地女星周奇奇，今次亦是畀面答應演出，在片中飾演美麗硬淨的女班主，肥仔聰大讚奇奇靚女兼表現不俗，亦非常配合劇組，就連負責該片攝影的杜可風也忍不住讚她。
投資者患上抑鬱
至於該片最大投資者阿Wing亦接受東網訪問，透露為此事患上抑鬱，她說：「我告上法庭，法庭判控方必須畀番賣埠嘅錢我，但到依家都未收到，件事令我賣咗兩層樓同患上抑鬱，真係好痛，唔明點解啲人咁衰，對方仲喺呢個圈做，我公開呢件事係想提醒同行，小心唔好畀人呃！」
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|