唔做怪獸家長放手畀佢自己玩。
張智霖與袁詠儀的兒子張慕童（魔童）已11歲，愈大愈長得似媽咪，十足餅印！好動的魔童最近學識玩滑板，不時把自己踩板的精彩片段分享到社交網。
日前下午5時許，靚靚湊完魔童放學，再帶他去赤柱遊樂場「放電」，趁住日落時段，靚靚拿出手機同阿仔Selfie，不過魔童似乎唔多合作不時四圍望，靚靚就耐心地等阿仔望向鏡頭。自拍完一輪，愛心爆棚的靚靚拖住囝囝行去便利店買鮮奶，然後拎住盒奶去附近餵流浪貓，兩母子踎低睇住貓仔舐了幾啖鮮奶便靜悄悄地離開，餵完貓仔的魔童心情大好，沿途不時紮紮跳冇時停，精力無限。
其後靚靚帶魔童到遊樂場玩樂，魔童第一時間走去爬繩索，再去玩滑梯，好動的魔童瀡完滑梯，竟然從離地約2米的管狀滑梯外圍，危險地像猴子般從低部爬上頂，而靚靚則站在遠處𥄫住囝囝。魔童放完電，靚靚便拖住他離去，兩母子邊行邊傾，相當溫馨！
來源 source: http://hk.on.cc
|
鍾意就快D Share啦！
|
|
|
