喂呀！咁冧冧豬，想點先？
藝人蘇韻姿及阮政峰喺無綫劇集《愛．回家之開心速遞》飾演一對情侶紅衫魚同阮政峰，再加上早前佢兩個喺社交網站大跳「愛的手勢舞」，跳到中間嗰陣阮政峰錫咗蘇韻姿一啖，蘇韻姿仲表現得好冧豬，令大批網友指佢兩個戲假情真！
日前二人首次以「情侶檔」接受東網獨家專訪，期間表現Sweet爆攬頭攬頸，仲互笠高帽大讚對方。講到對方優點，蘇韻姿大讚阮政峰好細心，經常照顧自己，佢話：「有時我拍緊嗰場戲唔明，佢會主動問我，作為新人有人幫自己係好開心。好多人都話香港人惡，但我發現其實並唔係咁！」
至於阮政峰話好欣賞蘇韻姿，大讚佢係一個好強嘅女仔：「佢一個人由多倫多過嚟，參加選美繼而留低工作，要重新適應環境，但佢又唔怕。（有發展空間？）實有可能發展，我唔識睇相，唔會抹殺任何一個可能，但呢一刻大家係好嘅工作拍檔。」阮政峰又話好多人未正式了解佢，都會覺得佢內心有一道牆難以交心：「但蘇韻姿樂觀性格打破咗，所以我同佢可以交心做朋友。」佢又自爆有次想幫蘇韻姿，但點知畀佢拒絕：「有次見佢拎重嘢，我開聲話幫佢拎，點知佢話唔使，拒絕咗我。」在旁嘅蘇韻姿話其實有原因：「我唔想畀人覺冇用，所以自己嚟！」
講到二人被網民大讚好登對又夠Sweet，二人笑言：「大家覺得襯係因為我哋落嘅苦功開始見效，所以大家睇得開心，我哋都好開心。（背後落咩苦功？）唔係個個拍檔都啱傾，有好多事如果唔啱傾，拍攝以外溝通得唔好，就唔會拍得好。如果大家熟落咗，咁件事就會好好多，起碼唔會尷尬。」
場地：Mini Hotel Causeway Bay
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
