2018年1月29日 星期一

女神男神:三點式艷女攬摸越南球員 航空公司公開道歉 __,女神,

LaiThanhHuong(白衫)環抱越南球員。(互聯網圖片)即上英超刨績王:http://win.on.cc/epl 越南U23國家隊,於U23亞洲 ...


Lai Thanh Huong(白衫)環抱越南球員。(互聯網圖片)


即上英超刨績王:http://win.on.cc/epl 

越南U23國家隊,於U23亞洲盃勇奪亞軍,成為國家英雄,日前越捷航空公司(VietJet Air)派專機接球隊返國,期間安排模特兒着上性感比堅尼表演。呢種安排於越南方面並非罕見,不過於表演期間,有Model熱情環抱球員,甚至摸球員胸膛,就被國民認為過晒火位,話呢種行為非常Bad Taste。越南有關方面,已部署嚴懲越捷航空公司,而後者亦公開道歉。

越南一眾小將,於中國舉行嘅U23亞洲盃一鳴驚人,爆大冷殺入決賽,打到加時先僅負烏茲別克U23奪得亞軍,當日於越南國內,有上百萬國民上街睇直播力撐球隊,反映全國都非常重視足球運動。於剛過去周日,球隊坐越捷航空公司專機返國,於飛行期間,上演模特兒性感行Catwalk表演,本身雙方眼看手勿動都還可接受,但期間有Model接近球員,攞簽名之餘仲親熱Selfie。機上性感表演片段,以及Model主動接觸球員嘅相片於網上瘋傳,好多國民都批評Model離譜,咁嘅舉動令年輕球員非常尷尬。

越南文化體育旅遊部門,事後對越捷航空公司作出批評,並考慮作出重罰;而後者作出公開道歉,承認事件有不當之處,但Model接觸球員舉動,並非公司安排,而係一眾模特兒太過仰慕球隊,而作出嘅自發行為。

於照片所見,着上白色比堅尼嘅模特兒名叫Lai Thanh Huong,佢所屬嘅模特兒公司就反駁,話越捷航空公司今次安排Lai Thanh Huong上機,係做Model而唔係舞蹈員,亦係到場先知要着比堅尼,暗示當中嘅Catwalk表演及親熱舉動,係航行公司安排。

越捷航空公司喺2012年,因於機上推出比堅尼表演,被政府以未經批准相關演出為由,罰款2,000萬越盾(約7,000港元)。

東網體育FB同你追實體壇每個精彩時刻!

http://bit.ly/2ecTF2A 


來源 source: http://hk.on.cc
鍾意就快D Share啦!
Related Posts Plugin for WordPress, Blogger...