熄機一年多的亞視，將於今晚6時起借手機App和OTT網上平台正式復播。為亞視主持新節目《今晚見》的曾華倩、向海嵐、朱慧珊、劉錫賢、樂瞳和朱慧敏，日前接受專訪，被問「如果我係亞視CEO」會如何做好亞視，各人一齊諗計，希望為亞視壯大聲勢。向海嵐和劉錫賢認為亞視要開劇集吸引觀眾，朱慧珊就認為要栽培自家藝人。
至今已有60年歷史的亞視，停播一年多後今日重生，於今晚6時開始以手機App和OTT網上平台形式正式復播。亞視為求一新觀眾耳目起用全新班底，包括請來無綫前高層吳雨擔任行政總裁（CEO）重整亞視，邀得無綫前總經理陳志雲倒戈主持全新《百萬富翁》，並請來才子陶傑及無綫前藝人主持《陶傑笑看風雲》、《今晚見》、《A1娛頭》和《激活音樂》等多個新節目。
拍劇吸引觀眾
為亞視主持直播清談節目《今晚見》的無綫前藝人曾華倩、向海嵐、樂瞳、朱慧敏和亞視舊將劉錫賢和朱慧珊，日前在大埔總台接受本報專訪，由他們變成亞視CEO的話，如何令亞視搞得更有聲有色？劉錫賢說：「一定要開多啲劇，各類型都開。」向海嵐亦認為亞視要開劇：「要開多啲唔同類型劇集，始終電視台有唔同劇集先可以吸引一班觀眾。」
朱慧珊就覺得大老闆應給予更多金錢上支持：「重金禮聘多啲藝人、歌星。電視台一定要有自己啲星，栽培新人係一個投資，可以揼錢搵人返嚟，亦可以學韓國、日本培訓造星。」
身為媽咪的曾華倩希望可以開親子節目，她表示：「最重要係所有嘢都係正面訊息，亞視好需要正能量，需要你哋嘅支持。」樂瞳和朱慧敏認為要多做真人騷，樂瞳說：「我好想做一個點樣教人儲錢上車嘅真人騷，分享每日點樣用好少錢都生存到，我諗可以幫到好多人儲錢同買樓。」朱慧敏則說：「我想睇吓亞視內部開會真人騷，組織一個新電視台唔簡單，好想睇吓啲高層之間對話。」此外，王喜對亞視廠房讚不絕口說：「呢度空氣好，停車近啲。」
歡迎網友批評
記者昨日致電亞視「真．CEO」吳雨，對於多位藝人所提意見，吳雨表示會好好考慮：「我好多謝華倩，佢真係好似CEO咁提出咗好多寶貴意見畀我，又主動幫我哋約嘉賓。」記者指網民對亞視復活有不少意見，對此吳雨說：「有人留意亞視係好事，我哋好歡迎網民嘅批評，但當然係善意嘅批評。我哋𠵱家係重新開始，會有好多改善嘅地方，希望觀眾同網民多多支持同包涵。」
亞視今日復播，觀眾可透過亞視App收看直播台和免費內容節目，如想觀看收費內容，則需付基本月費38元。而「升級服務月費68元」會員可獲亞視機頂盒，又或於今日開始在指定零售商以680元購買機頂盒，並連12個月的升級服務月費。
採訪：比華利、馬建華、魯吉
攝影：沈健程
|
鍾意就快D Share啦！
|
|
|
