網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年1月2日 星期二

湯洛雯裙下滑險露點 羅天宇護花不力 __,羅天宇,湯洛雯,

湯洛雯條裙愈跣愈低,連膠紙都睇埋險走光。
湯洛雯裙下滑險露點羅天宇護花不力每年跨年倒數活動都是藝人賺錢好機會,前晚蕭正楠與黃翠如、羅天宇與湯洛雯、袁偉豪及張寶兒等幾對情侶齊集活動,為搵真銀落力 ...


湯洛雯裙下滑險露點 羅天宇護花不力

每年跨年倒數活動都是藝人賺錢好機會,前晚蕭正楠與黃翠如、羅天宇與湯洛雯、袁偉豪及張寶兒等幾對情侶齊集活動,為搵真銀落力晒恩愛!阿蕭與翠如打情罵俏放笑彈,但不及湯洛雯搶鏡,她唱歌時低胸裝愈跌愈低險露點,天宇竟因怕醜冇為女友檢查,認真辦事不力!

藝人蕭正楠(Edwin)及黃翠如、袁偉豪(Ben)及張寶兒、羅天宇及湯洛雯(靚湯)、袁文傑及張潔蓮四對情侶前晚到MCP新都城中心出席《除夕倒數狂歡夜2018》,情侶「合體出騷價」當然比各自加起來更豐厚,眾星為搵真銀非常識做,出盡力晒恩愛,令整個商場瀰漫一片粉紅色浪漫氛圍!

身穿低胸裙的靚湯大方騷白滑肌膚及身材,但上衣愈跌愈低更露出膠紙,瀕臨露點邊緣,她仍不慌不忙繼續獻唱,其後被問到是否上圍縮水?她說:「我都想瘦,係件衫鬆,我已經有抽一抽件衫,好在未跌到去重要部位。」天宇亦覺得牙煙,問為何不幫女友檢查?他怕醜表示到處都有很多人,靚湯即為男友辯護,表示自己也以為沒人察覺。問到新一年有否結婚計劃?靚湯表示正值事業搏殺期,未有打算,但兩人是認真發展,還給天宇9.5分的高分。至於天宇則覺得男士有成就才能計劃結婚,新一年會做好自己,亦大讚女友冇得頂:「佢有100分!(10分滿分喎!)10分滿分有100分!」

羅天宇話人多怕醜,唔敢檢查女友條裙。
  • 羅天宇話人多怕醜,唔敢檢查女友條裙。
黃翠如話撚手煮撈麵,被蕭正楠話講出嚟畀人笑。
  • 黃翠如話撚手煮撈麵,被蕭正楠話講出嚟畀人笑。
袁偉豪計劃今年置業,與張寶兒築愛巢。
  • 袁偉豪計劃今年置業,與張寶兒築愛巢。

蕭正楠叫翠如跪低

另一對情侶Edwin及翠如玩互窒,表示過去節日都要分開工作,今次是首年一同倒數,翠如對Edwin說:「恭喜你見到我!」問Edwin是否減價來配合翠如?他即反擊說:「買一送一(口架)(意指買他送翠如)!」再問有否結婚打算?曾表示由自己負責求婚的翠如說:「再睇吓佢表現」最近Edwin甫了一張「太陽蛋」相片,暗示翠如廚藝有進步,他笑說:「好感慨,唔捨得食,想鑲起佢!(加好多分?)由唔合格變合格。」講到近日的撚手菜式,翠如表示是四川麻辣撈麵,再被取笑非常簡單,Edwin笑說:「何必講出嚟畀人笑呢?我都忍住唔講!」

袁偉豪今年築愛巢

其後原本大會安排Edwin在台上送花給翠如,翠如卻說:「佢之前送過好多次,今次到我送。」Edwin即說:「跪低先」翠如說:「發夢啦你!」笑爆全場!不過之後Edwin都有施冧功,獻唱時向翠如示愛,對她的Fans說:「你哋要錫佢多啲,我都好錫佢!」

至於Ben表示2017年最開心是認識到女友寶兒,雖未有結婚計劃,但希望今年置業築愛巢,並指被女友改變不少:「以前我只係儲啲貶值嘢,好似車、玩具,寶兒(投資)有啲心得,我要學習。」寶兒亦指不心急結婚,會全力支持男友置業。

文:影視組






鍾意就快D Share啦!