掃呢頁CODE去手機

2018年1月2日 星期二

叱咤:李克勤唔介意被寸老咗先有獎攞 __,克勤,李克勤,

李克勤就話攞獎其實冇分年齡!歌手李克勤在《叱咤樂壇頒獎禮》上勇奪樂壇男歌手金獎及樂壇至尊歌曲大獎,在慶功宴上李克勤直認難掩內心激動,問到上台攞獎時有哽 ...


李克勤就話攞獎其實冇分年齡!


歌手李克勤在《叱咤樂壇頒獎禮》上勇奪樂壇男歌手金獎及樂壇至尊歌曲大獎,在慶功宴上李克勤直認難掩內心激動,問到上台攞獎時有哽咽?他笑說:「係囉,講到譚詠麟,真係麻煩,本來都冇事。(見你上台其實有喊?)其實都感動嘅,咁多年喺其他三個(頒獎禮)都拎到,惟獨喺叱咤一直都好似有距離咁,我喺呢度最好嘅成績係銅獎同埋一次我最喜愛男歌手,但都有成十年前。」提到成績令人滿意,他坦言要多謝團隊:「講真坐喺台下面個個都努力,呢個係最基本,你首先要比其他人更努力之餘,咁就係靠團隊再加運氣。」

講到日前在勁歌金曲頒獎禮後,網上流傳一幅93年勁歌五強和最近一次勁歌五強的對比圖,暗示克勤年資高,克勤則表示自己好睇得開:「所以我用奧斯卡嚟比喻叱咤,奧斯卡都係將唔同年齡、輩分的人擺埋一齊比賽,因為係比較演技嘅時候,其實係冇分年齡,咁音樂都係一樣道理。呢啲嘢睇嘅人可能會比較介意,但我都活咗咁多年喇,仲介意呢啲嘢?就正如我上次喺無綫時講,拎得起就放得低,我覺得冇所謂,勇於去面對你嘅成功同失敗。」

李克勤又透露會專注做國語唱片,可能會少咗做廣東歌:「嚟緊希望喺內地同大中華地區再加把勁,希望做到啲成績出來。始終廣東唱片係有個局限喺度。年尾希望開拍一套電影,就係我嘅方向。」

---------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!