網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年1月12日 星期五

李佳芯誓正做花旦麥美恩被力捧做大騷主持 __,李佳芯,麥美恩,

大台節目《學是學非》,夠晒資訊性之餘,加上搵嚟大台小花扮「是非精」,中間唔中有啲短劇,的確吸引到唔場觀眾,一拍拍足5輯,當中仲捧紅唔少人o添!第一輯由 ...




大台節目《學是學非》,夠晒資訊性之餘,加上搵嚟大台小花扮「是非精」,中間唔中有啲短劇,的確吸引到唔場觀眾,一拍拍足5輯,當中仲捧紅唔少人o添!第一輯由黃心穎、李佳芯、梁嘉琪、麥美恩齊齊擔任節目主持,之後喺第二輯再加入張秀文、湯洛雯,去到第五輯仲加入馮盈盈、張寶兒、劉穎鏇三位,陣容非常鼎盛o架!

不過講到最成功就梗係Ali李佳芯,佢拍完第四輯之後,佢就離任主持,去咗邊?唔使問就梗係拍劇離開之後仲拍咗台慶劇《誇世代》,依家仲拍緊《BB來了》,除此之外,佢仲客串咗《跳躍生命線》真係忙到呢。

仲有另一位就係黃心穎,雖然未離任主持,不過貴為上位中嘅小花之一,默默keep住有劇開,所以佢依家都係間唔中喺節目現身,早前仲被安排同幾位小花蔡思貝、馮盈盈、張寶兒、邵珮詩齊齊組限定女團翻唱《到此一遊》,而黃心穎就企正中間。

而梁嘉琪同麥美恩兩位一樣夠晒入屋,仲成為大台新一批主持,其中麥美恩更獲大台力捧,去年仲先後擔任「港姐競選」、「歡樂滿東華」、「星光熠熠耀保良」等大騷主持。

至於第二輯加入嘅張秀文、湯洛雯,佢哋同樣都有唔少機會,就好似湯洛雯咁,去年都有份參演唔少作品,其中仲有份主演《燦爛的外母》;張秀文發展亦都唔錯,唔止拍劇同做主持,去年佢仲有份拍電影o添。第五輯先加入嘅馮盈盈、張寶兒、劉穎鏇發展睇嚟都唔錯,馮盈盈同張寶兒齊齊同黃心穎組限定女團,而劉穎鏇亦被安排拍劇,睇嚟大把機會咁噃!




鍾意就快D Share啦!