每個人都有自己睇法。
藝人張繼聰在九龍灣出席賀歲片《棟篤特工》首映禮。提到他老婆謝安琪對流感疫苗的看法近日引起各界回響，他直言有關言論其實只是私人對話，絕非公開呼籲市民停止接種疫苗，又指自己與老婆有共識，立場一致：「雖然專家同醫生為保障大家健康而付出好多努力，但我哋兩個對西方醫學係有唔同睇法。」他坦言即使最近忙於拍攝新戲，但都知道老婆在查看有關流感疫苗的醫學資料上花了不少心機：「我哋明白科學上永遠都會有新發現，但都要為咗小朋友着想而睇，始終都係打啲嘢入身體度。」
問會否覺得有關部門或專家反應過大？阿聰便指自己不會評論：「但有啲聲音就話唔係專業就唔好講，但我覺得大家其實都可以自由討論，拍咗套戲後唔講得就冇影評呢樣嘢。咁十八歲前都冇人係專業，佢哋都唔講得嘢個世界會好悶，我覺得世上嘅嘢係可以了解同時提出疑問。」
阿聰又指老婆不會把攻擊性言論放在心上，只想大家都可以健健康康過年：「其實佢好理性嘅，不過有時受到指摘，我哋都諗唔到原因係點解，最緊要係問心無愧。」問會否抽出流出錄音的真兇，他即發揮搞笑本色：「冇但我自己會小心啲，應老婆時唔會將仲有幾個鐘先返到屋企講成十分鐘，費事流出嚟又引起軒然大波。」又謂老婆沒有因此而退Group保平安。
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
