「佢係學生嚟㗎，唔可以咁樣對啲學生！」挺身為學生哥抱不平的正義哥Jacky，自言目擊整個過程，更帶領《蘋果》記者到現場「重組案件」。由印度來港定居近50年的Jacky，講得一口流利的廣東話，他稱案發時，該名學生哥行過深水埗汝州街與南昌街交界，疑「手多多」拍了個易拉架一下，然後易拉架跌低了，學生哥隨即被一名黑衫大媽捉住，他掙脫逃走，大媽就大叫「偷嘢」，剛巧有巡警經過，上前將學生哥捉住。
Jacky不忿該大媽講大話老屈學生哥，事後在現場與大媽「舌戰」一番，引來大批同鄉及途人圍觀，並逐點擊破大媽大話連篇，對話精彩絕倫，所講的道理相當清晰，且不失禮貌，瞬間將無理取鬧的大媽KO，就連圍觀者都睇唔過眼加入戰團圍攻大媽。
起初，大媽仍企硬指摘學生哥「偷嘢」，當場被Jacky踢爆後，即改口說：「佢整爛嘢！」Jacky指着易拉架說：「冇爛到喎個牌，我哋冇見到爛。」再質詢她：「佢係咪偷嘢呀？你頭先喺嗰度話偷嘢？唔係，你話偷嘢，我哋幾多人聽住呀！」
大媽隨即開啟手機的相片，指出上次一槐易拉架被該學生哥撕爛，Jacky再問：「佢整爛㗎咩？你有冇證據呀？」大媽即理直氣壯說當時一直尾隨，又指學生哥與母親住在附近，但最後未有捉到他。
Jacky見大媽繼續無理取鬧，就立即轉移話題：「你知唔知(你)冇權擺(易拉架)響度㗎？」但大媽立即氣上心頭說：「我鍾意擺就擺囉！」Jacky再妙語連珠說：「得，你鍾意擺就擺嘛？我睇下聽日有冇人畀你擺！」還直指：「畀你哋啲大陸人落嚟，搞到香港邋遢！」大媽此時怒火中燒：「你係咩人呀？」Jacky答：「我喺度50年喇！」大媽手舞足蹈說：「我響度100年喇！……你……你咩人呀？我係真正中國人！你係中國人咩？我係中國人嚟！」
最後Jacky繼續據理力爭：「你唔可以咁樣對啲細路，得13、14歲，乜都唔識，你可以慢慢同佢講嘛！」最終大媽節節敗退，消失於人群中。
你敢爆，我敢獎！ 即Call《蘋果》24小時爆相爆片熱線：63836568
|
鍾意就快D Share啦！
|
|
|
