唐文龍同「10億咪神」黃文意嘅「父女戀」，因為一張相而開始，但就有人用「奀星」嚟形容黃文意，話佢借唐文龍上位喎，之後黃文意就ig撰寫長文，自比一隻渺小螞蟻嚟反擊(新聞連結：http://bit.ly/2GWLNh9 )，關係撲朔迷離，今日唐文龍出席活動就斬釘截鐵話同黃文意冇開始過，仲話好介意傳媒公開佢嘅歲數：「搞到啲friend都笑我，我真係嬲咗。」
咁唐文龍除咗話嬲傳媒公開佢年齡，都有解釋番佢同黃文意嘅關係，佢就斬釘截鐵咁話自己從來都冇同黃文意開始過，又讚黃文意：「我覺得佢唔需要借人上位，我亦都冇位俾佢上。佢本身條件好好，係宅男女神又係大學生，我認識嘅佢係好有智慧，又讀到書，身形又好，希望大家放過佢喇，都寫咗兩個禮拜喇。」(新聞連結： http://bit.ly/2GVU1pU )
男方灑脫咁回應緋聞，至於女方，年僅25歲嘅黃文意似乎就有啲耿耿於懷喇。日前喺ig發長文反擊後，兩日前佢又喺ig貼圖，相中係一束七彩顏色嘅滿天星，佢留言話：「活於社會森林，『愛』成了一種奇妙的情感，因為愛與叢林法則不同。愛講求『相容性』，考驗我們有否足夠的智慧和風度包容彼此差異。所以問到我喜歡的類型，我會說：『願意包容我的。』」然後補多句『我也願意包容他的。』愛很簡單，哪怕世事翻雲覆雨，滿懷何止離憂。」
冇錯，愛很簡單，黃文意所講的包容，似乎若有所指，難道是指「父女戀」，而唐文龍今日喺活動上，好似好介意年齡成話題一事，未知黃文意可有安慰對方，佢回覆傳媒話：「我諗現今社會，大家都係比較着重心智年齡同外貌年齡。佢外型好、有頭腦、心地好，大家都睇到。新年快樂，新一年最緊要和和氣氣。」
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|
