掃呢頁CODE去手機

2018年3月3日 星期六

女神變醜女!禿頭李嘉欣VS火雞姐莫文蔚 __,嘉欣,女神,李嘉,李嘉欣,莫文蔚,鍾嘉欣,

犧牲好大呀!做得女星唔係五官精緻,都一定煞食兼上鏡!大家見到佢哋光鮮亮麗嘅一面,其實做演員嘅背後,有時都會遇上「劇本需要」而被打造另類造型,尤其由「女 ...


犧牲好大呀!


做得女星唔係五官精緻,都一定煞食兼上鏡!大家見到佢哋光鮮亮麗嘅一面,其實做演員嘅背後,有時都會遇上「劇本需要」而被打造另類造型,尤其由「女神」化身成醜女,真係犧牲唔少㗎!

李嘉欣

擁有「大美人」之稱嘅李嘉欣參選港姐出身,活躍於90年代影壇,一向以靚靚形象出現大銀幕前,唯一突破喺2002年電影《豬扒大聯盟》裏面,李嘉欣放下「大美人」形象,化身地中海禿頭女DJ。雖然佢戲中嘅造型,精緻五官嘅靚樣仍在,但係就算更靚嘅女生配上禿頭,都真係幾大殺風景架!

莫文蔚

「火雞姐」唔係講緊高八度、成日喺網上大呻不滿嘅歌手丁可欣,而係莫文蔚喺1996年電影《食神》中飾演車仔麵檔老闆娘「火雞姐」,大家對呢個醜女造型一定唔陌生,就連蔡思貝喺劇集《踩過界》嘅哨牙造型都係效仿於佢。莫文蔚喺戲中嘅造型集合刀疤眉、鴛鴦眼,哨牙中仲有隻金牙,配合娘爆髮型同服飾,就算過咗咁多年,呢個角色造型仍然係經典呀!

趙薇

如果大家有睇過周星馳部《少林足球》,相信對當中趙薇飾演「阿梅」嘅濃妝造型絕對唔陌生!超深鼻影同一字眉,配上八、九十年代嘅fashion「床板」膊頭,真係冇得輸!再加埋未變身前嘅滿面爆晒濃瘡兼油頭造型,講真唔係個個女仔都頂得住㗎!最尾再加埋個「火星人」光頭造型為大家守龍門,趙薇喺呢套戲裏面真係大突破呀!

林嘉欣

林嘉欣樣貌甜美,笑起上嚟嘅酒窩同迷人電眼,絕對風摩萬千少男!雖然林嘉欣個靚樣咁sweet,但係大家記唔記得佢當年拍下唔少驚悚電影,繼李心潔之後,可以話係第二位鬼后。活躍於千禧年代影壇嘅林嘉欣,憑唔少作品獲提名甚至奪獎,其中喺2005年驚悚片《怪物》以毀容兼嚴重脫髮造型飾演「怪物」,套戲上映時,外界有唔少noise,係影壇大突破,林嘉欣亦憑恐怖造型兼實力演技獲《第25屆香港電影金像獎》最佳女主角提名。

蔡卓妍

蔡卓妍(阿Sa)唱得又演得,早年拍過唔少青春電影,而喺2005年電影《情癲大聖》中一改青春逼人形象,醜化自己飾演蜥蜴妖女,唔單止加咗兩塊人工眼皮、整大個鼻,加埋一堆噁心嘅痘痘,仲有又亂又黃嘅爆牙,難怪阿Sa媽去探班時,喺面前行嚟行去都認唔出自己個寶貝女

迪麗熱巴

近期人氣爆燈嘅90後內地新花旦迪麗熱巴,出生於新疆烏魯木齊,憑住精緻五官俘虜大眾嘅心,每套劇嘅靚女角色都令人眼前一亮。近年佢除咗拍劇,仲加入行電影行列,喺上年嘅電影《傲慢與偏見》裏面,迪麗熱巴嘅孖潤腸厚唇真係嚇親小編!基本上除咗眼部以上,成塊面都被化妝成又紅又腫,完全放下「宅男女神」嘅包袱,抵佢上年以年賺5,500萬人民幣打入「福布斯中國名人榜」第37位呀!

范冰冰

貴為內地一線花旦嘅范冰冰紅遍中港台,演技了得唔使人講,近年仲衝出亞洲向荷里活進發,吸金力強到以年賺3億人民幣,連續喺「福布斯中國名人榜2017」稱霸!正所謂「No Pain No Gain」,范冰冰喺2007年驚悚片《心中有鬼》,花咗八個鐘被化妝師化上特技妝容,由「女神」變成恐怖女鬼,加埋憑住實力演技,最終實至名歸獲得《第44屆金馬獎》最佳女配角獎。願意放下「女神」形象去醜化自己,影后就是這樣練成的!

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!