水中女神呀！
運動型女藝人余曉彤（Hidy）熱愛潛水，經常參與有關海洋保育的活動，最近她為澳洲Ocean Geographic海洋地理頻道到古巴拍攝一個與鯊魚共舞的六分鐘短片，宣傳愛護鯊魚的訊息！今次拍攝是要跟鯊魚共舞，Hidy身穿長裙在水底20米每日拍3至4小時，每日凍到不停打冷顫，試過有一日凍到失去知覺！而她在水底有好多轉身頭向下的動作，令她飲了大量海水，絕對是有苦自己知。
Hidy講到今次跟鯊魚近距離接觸，更有有機會跟鱷魚潛水，Hidy表示早已非常期待：「最初見到鯊魚大口大口食緊其他魚時，我都有啲擔心，跟住我疑似畀鯊魚追腳趾，比成條鯊魚衝過嚟撞開我，令我頭暈咗一陣，到最後拍攝嗰日，佢哋圍住我游，我覺得好幸福，我知道佢哋終於當咗我係佢哋一份子！我亦承諾自己唔會食魚翅！講到最驚險，係第一次親眼見到咁大條鱷魚，仲要一齊近距離拍攝，好驚畀佢哋咬甩個頭，但拍攝時遇到三條唔同性格嘅鱷魚後，就知道佢哋真係『鱷魚頭，老襯底』！哈哈！外表兇惡，但心底好善良，我仲愛上咗鱷魚添！」她表示今次拍攝經驗難忘，作品將於六月在首個香港潛水展覽播放，希望令更多人關注海洋。
來源 source: http://hk.on.cc
|
鍾意就快D Share啦！
|
|
|
