張寶兒被網民「追擊」話佢扮純扮正面兼扮心地好，佢選擇咁回應！
做藝人從來都唔容易，因為一舉一動都備受關注，仲要接受網民對自己有讚有彈嘅評語。好似前港姐張寶兒就喺社交網上載咗同一位網友嘅對話截圖，該名網友私訊寶兒指佢扮純扮正面兼扮心地好，又話唔回應即係承認，而隔咗幾日，寶兒就回覆對方，感謝其批評，又解釋自己點解咁正面：「因為明白世界有很多的灰暗和腐敗，希望保持自己有純淨的心是因為知道人心容易被世界擾亂。我希望自己不是一個天真單純的人，而是一個認識世界但選擇真誠的人。」最後寶兒仲話好高興同該名網友交流添！
隨後，寶兒又上載文字截圖表示：「我並不是一個完美的人，因此我需要努力。」佢又再強調自己冇嬲，只係純粹交流，仲話自己有好多正能量，叫粉絲唔使擔心！網民都留言讚佢回應好得體，仲為佢打氣，叫佢最緊要做好自己。
來源 source: http://hk.on.cc
|
鍾意就快D Share啦！
|
|
|
