姬與男友宣布將為人父母。
現年38歲的荷里活著名女星姬赫遜（Kate Hudson）昨日在社交網Instagram宣布第三度懷孕。
與兩名前度先後育有兩名14歲及6歲兒子的姬用別開新面的拍片方式宣布懷孕及BB性別，片段中身穿一身白裙的姬與三名家人一同拎住黑色大氣球，然後用針拮爆氣球，其中姬與抽男友Danny Fujikawa的氣球就飛出多4個細少的粉紅色（代表女嬰）氣球，得知今胎生女之後，家人及姬興奮到不停歡呼，而姬更唔理大住個肚開心到跳起！而終於生女的姬就留言說：「驚喜！！！如果你之前諗緊我點解喺我社交頻道冇晒影，那就因為從未如此不適過！佗過咁多次以來首次頭三個月佗得咁唔舒服。如果你見過我外出時微笑及扮到所有嘢好好...我其實就係講緊大話！」
姬赫遜與Danny認識多年，直到去年二人開始拍拖。查實上星期姬接受訪問時都表示想同男友組織家庭，指自己仲想生，仲話如果係生女就好好玩。看來今次姬終於得償所願！
來源 source: http://hk.on.cc
|
鍾意就快D Share啦！
|
|
|
