DJ余迪偉首個one man show於4月6日假演藝學院公演，迪偉多位圈中朋友現身支持，包括林二汶、王菀之、白只、邵音音、鄧健泓和太太石詠莉等，還有一眾電台DJ好友阮小儀、朱薰、梁文禮、麻利亞等。而跟迪偉合作主持電台節目的鄭裕玲（嘟姐），不只送上生果籃，更為迪偉特意錄製開場讀白。迪偉在騷中毫無保留，大談成長時的戀愛與性困惑，又唱又跳兼在台上除褲換衫，不時引來歡呼。
「有冇聞過自己嘅精x？」
迪偉整個騷均將情感坦蕩示人，講到第一次自慰經歷時，台下的小儀大聲問迪偉：「有冇聞過自己嘅精x？」全場即時爆笑。又經常走上觀眾席跟大家互動，觀眾亦很玩得，甚至連第一次自慰歲數都坦白透露，他自爆：「觀眾反應絕對滿意，預期佢哋笑同感動嘅位都好準確。」
抑鬱想跳樓
迪偉的舞台劇有笑有淚，後段他真情流露談及抑鬱經歷，當提到由外國讀書回港後因抑鬱及不適應差點跳樓，現場氣氛即變沉重，而他說到由舊友因家庭壓力燒炭自殺時，不只自己喊得激動，不少觀眾都被感動得嗚咽，場內觀眾提取紙巾拭淚聲此起彼落，觀眾也紛紛被牽動情感落淚，他說：「我畀自己70分，因為感情去得太盡喇，我係真喊唔係扮出嚟，希望大家有共鳴。講性嗰部分未夠放，因為時間關係已經cut咗一啲。」
座廁擺上台
其實一開場時觀眾們聽到嘟姐的聲音已經很興奮，接着半裸男與Bra Top女舞蹈員出場，迪偉則穿着一條藍色長裙，霸氣地由觀眾席頂行到舞台，觀眾們即拍爛手掌及叫囂。舞台中央有趣地是個超巨型座廁，他又說：「呢個座廁象徵我嘅安全島，有咩事我就會去座廁避難。」
朋友家人力撐
最後迪偉鼓勵大家，生命中不要害怕轉變，全場掌聲不斷。完場後大量朋友都留低與迪偉合照，又送上自製禮物祝賀他演出成功，他表示：「謝謝大家支持，屋企人就分散3日嚟，有些都從外國飛返嚟撐我。」
|
鍾意就快D Share啦！
|
|
|
