35歲嘅台灣女藝人林依晨，其家庭背景好多人都知，5歲時爸爸離家出走，留下媽媽一個人撐起成頭家，照顧佢同細佬，有指當時林媽媽負債逾百萬台幤(約25萬港元)，但係林媽媽從來都未有喊苦，反而更努力去照顧仔女，兩母女嘅感情亦好到連秘密都冇，包括林依晨喺23歲嗰年曾寫下一封遺書，時至今日當年嘅遺書內容，今日終於曝光。
今日台灣有周刊報道指，林依晨講過，媽媽唔希望被爸爸家人說「小孩教不好」，所以林媽媽對仔女嘅管教特別嚴格，而林媽媽亦因為睇過一啲報道「對女兒很嚴格」嘅報導後，自責地向林依晨她道歉。但媽媽嘅嚴厲，就從來教有喺林依晨身上陰影，反而係心疼同理解媽媽嘅出發點。
面對分開多年嘅爸爸，林依晨選擇記得對方嘅好，佢覺得父母當年會分開就是知道彼此不適合，經過長時間嘅鼓勵，媽媽逐漸放下，父母o依家相處融洽，至於能唔能夠復合已經唔係重點，林依晨認為：「不用勉強，才覺得這個課題是圓滿的。」
林依晨話：「「媽媽總是張開雙臂擁抱我，所以我對她不會有任何隱瞞。」雖然父母離異，但林依晨嘅人生態度超然又豁達，佢坦言曾喺23歲寫過一封遺書俾母親，內容不外乎係當時對自己還有什麼遺憾，希望誰能幫忙完成，特別係佢提及演藝工作係佢嘅興趣所在，希望媽媽唔好自責或後悔。
遺書可能對好多人嚟講係一種忌諱，但對林依晨嚟講，佢認為每個人都應該預先準備，因為永遠唔知道計劃同意外幾時會到，既然冇辦法選擇離開嘅方式，不如預先做好安排，並且從中檢視人生嘅種種，去完成嗰啲未講出口嘅愛或抱歉，去實踐想做又嚟唔切做嘅。
精選娛聞，喺晒《娛果》
http://fb.com/appledailyent
來源 source: http://hk.entertainment.appledaily.com
|
鍾意就快D Share啦！
|
|
|