掃呢頁CODE去手機

2018年5月25日 星期五

【動畫】曾演喬妹姨甥女 26歲金承恩變臉轉行做主持 __,喬妹,宋慧喬,

韓劇《順風婦產科》童星出身嘅26歲女星金承恩,當年於劇中飾演女星宋慧喬嘅姨甥女,因成功演活個性驕縱又任性嘅「美月」一角而走紅,令觀眾留下深刻印象。不過 ...


韓劇《順風婦產科》童星出身嘅26歲女星金承恩,當年於劇中飾演女星宋慧喬嘅姨甥女,因成功演活個性驕縱又任性嘅「美月」一角而走紅,令觀眾留下深刻印象。不過因為成名太早以及角色太過鮮明,令金承恩讀書時承受唔少壓力,佢曾表示與同齡人相處唔夾,甚至被排擠,令佢試圖自殺,最後金承恩離開韓國到新西蘭留學,直到長大成人先返韓國重新開始。

金承恩早年承認自己曾整容,目的為咗令外界知道「金承恩」呢個人,已經唔係當年嘅「美月」,金承恩更於2015年破格拍攝三級片《花樣女鬼》,於片中大膽跨坐喺男人身上,甚至有全裸床戰激情鏡頭,可惜依然冇帶起佢嘅知名度。近日,金承恩就轉行以網站afreeca TV直播主持重新出發,佢亦於直播中提到自己嘅故事及近況。

金承恩坦言:「因為有再次演戲嘅欲望,所以一直都有努力,但仍然唔太成功。」續指:「冇任何劇組及導演邀請我,大家都知,我哋國家嘅演員非常多。為咗維持生計,我曾去化妝品公司上班,同時都努力試鏡,仲拍咗?你哋都知道嘅嗰種電影(《花樣女鬼》)。」隨後佢亦認清現實:「就算寄再多履歷,只要對方唔想用,咁就一啲辦法都冇。」金承恩嘅直播引起唔少網民關注,亦有網民留言為佢打氣,同時亦有網民發現金承恩似乎又再變臉,其外貌與童星時期已經相差甚遠。




鍾意就快D Share啦!