喺《逆緣》入面，黎耀祥同陳山聰愈行愈埋，導致自己泥足深陷，唔止搞到江欣燕有危險，之後仲反埋面。江欣燕喺戲入面，絕對係一個好老婆、好媽咪，無條件支持老公。喺黎耀祥最慘嘅時候，江欣燕都下下為佢設想，同佢一齊挨。
之前佢接受傳媒訪問個時，佢話靠以前回憶，諗返以前嘅婚姻生活去演呢個角色。的確，江欣燕亦都係一個咁嘅老婆， 01年同拍咗拖十年嘅吳積遜結婚。結婚之後，有傳吳積遜因為爛賭欠落一身債，江欣燕試過幫佢還債。就算有傳吳積遜係出面花天酒地，江欣燕都繼續忍，盡力去維護婚姻。可惜最後都係要行到去離婚呢一步，當時江欣燕更喺TVB入面喊爆。
事隔多年，江欣燕就未有任何新戀情，而前夫吳積遜就已經重新發展感情生活。最近佢就拖著個短髮女一齊去拍拖睇戲，個仲拖晒手仔，行到咁上下吳積遜仲咀女友一啖添!
來源 source: http://nextplus.nextmedia.com
|
鍾意就快D Share啦！
|
|
|
