因為楚原嘅一句：「乜你肥咗咁多嘅？」令到57 歳嘅文雪兒的起心肝減肥。由一百零三磅，減到一百一十磅，認真唔簡單架！
最近喺大台新劇《逆緣》，文雪兒做人二奶，網友一致比like ，話佢一把年紀，依然風韻猶存喎。五十有七嘅文雪兒依然keep 得住靚樣，仲保得住副body ，因為識得養生囉！91 年退隱做人妻，文雪兒投資美甲店，仲有十幾間分店。 唔洗見人，文雪文開始放縱，高峰期超過一百三十幾磅，仲有對十四吋嘅麒麟臂，真係係幾嚇人！
上年文雪兒突然戲癮大發，自薦客串《溏心3》，要出鏡見人，終於下定決心減磅，話晒佢以前都係麗的花旦，拍住哥哥做女一。原來文雪兒用嘅係「和諧能量波」，係自然療法，再配合戒囗，最緊要係食得健康。終於成功撇甩十二磅肥肉，不過文雪兒都覺得未夠，拍完《溏心》之後繼續減。而家得返一百一十磅，手臂變返十一吋嘅文雪兒又真係幾弗嘅！又難怪佢親家姐元秋見到佢，都話要跟埋去減肥啦!
立即按此連結Download:https://goo.gl/NVySCK
來源 source: http://nextplus.nextmedia.com
|
鍾意就快D Share啦！
|
|
|
